Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
Менің жанұям
Менің жанұям жайлы айтатын болсам, әрине мен ерекше сезімге бөленемін. Біздің жанұя – бірге тыныс алып, бірге жүрген, бір қаннан тараған екі ағза секілді. Неге 2 ағза дейсіз ғой? Себебі, менің ойымша жанұямызда екі түрлі адамдар тұрады. Бірі тез ойлап, ширақ жасайтын, алғырлар болса, екіншісі асықпай, ойланып істейтін тапқырлар. Мен, анам – Гүлнар және ең кіші інім-Мейіржан үшеуіміз ешқандай асығыс іс қабылдамаймыз, көп ойлануды, уақытты талап ететін жандар болсақ, әкем-Марат, үлкен ағам – Мағжан және менен кейінгі кіші інім – Рауан үшеуі уақытты өте қатал түрде үнемдейді, өте белсенді түрде ойлап, дұрыс әрі тиімді жолды таба білетін адамдар. Алтауымыз қосылсақ, шынымен-ақ ерекше, айтарлықтай қуатты әрі нәрлі жанды жанұя екеніміз хақ.
Менің достарым
Дос деген кім? Жаныңда әрқашан сенімен күлкі бөлісіп, шыныңды шын деп, өтірікті өтірік дейтін, ақ пен қараның шегін нақ айтатын кісі ме, әлде ешқашан сені сынға салмай, сені ренжітпеуге тырысатын, сенің көзіңдегі пәк жан ба? Бірінші көзге қарасаң бұл екі затты бір адамның көзінде көру мүмкін емес, алайда мен қазіргі кезде енді ғана ақырындап ұғына бастағаным, уақыт пен адамның (достардың) халі мен сипатына байланысты бәрі де әп сәтте өзгеруі әбден мүмкін. Досың бір күнінде «жылатып айтса», екіншісінде жұбатып айтар. Дос, адам оған қарағанда, өзін барлық қырларынан көрсетуі тиіс. Екі әрқашанда бірге жүретін адамдарды, әрине, достар деп атайсың, алайда ол қандай достық, мұның арты не болар екенін екі достың өздері ғана біле алады. Менің түсінгенім – досыңды өзге біреудің сөзімен сөгуге, я болмаса сынауға болмайды. Жан досыңды тапқың келсе, жақсылап үлес қосып іздеу керек, керегі болып жатса адамды жақсылыққа қарай тартып дос қылу керек. Алам мен адамның арасында қалыптасатын ең алғашқы қатынастардың бірі достық. Және бұл қасиетті байланысты екі жақты әр адам сақтауға әрә баптауға тиіс.
Менің достарым жайлы айтатын болсақ, мен көп саралап, өзіме керек адамдарды тауып алдым. Әрине кейбірі тым «қатқыл» көрінсе де, мен оларды үлкен сеніммене жақсылыққа тартып келемін. Алайда мен өте көп адамдардан көңілім қалғанын жасырмаймын, соның қатарында жақұсыға тартып өзгертіге деген үмітім үзілген адамдар да аз емес.
Менің мектебім, сыныбым және мұғалімдер жайлы
Алтын ұя, екінші үй, білім шаһары, Қазақстанның болашағы, лицей дәстүрлері, білім іргетасы, дарынды балалар,үш тілді меңгеру, келешек ұрпақ, білімді жастар, көшбасшы, лидер, көздегі от, мақтаныш деген сөздер №24 лицей жайлы есте мәңгуге қалатын тіркестер.
«Мектебің – алтын ұя жарқыраған
Ұстазың – бұлақ көзі сарқыраған»
- деген өлең жолдары мектеатің құдіреттілігін, оның адам өмірінде өшпес із қалдыратын, жүрегінде ерекше орын алатынын айқын көрсететін шығар. «Адам қанша жыл өмір сүрсе де, қандай іспен айналысса да, өмірдегі ең ұмытылмас сәттер болып мектепте өткізген уақыт қалады» -дейді. Осыны ұғатын, әттең, адам көп емес.
Сыныбым жайлы көп жазбаймын, сіздерге білуге тиіс зат – ол бір ғана – біздің 10 «а» сыныбы, тәртіп пен тепе-теңдік жоғары деңгейде дамыған орта.
Есейе келе мұғалімдердің құдіреті мен маңыздылығын, сөздерінің, жай айтылған сөз деп қабылдамай, ерекше назармен тыңдап, үлкен зер салатын кезге, әрбір сөзді санамен саралай алатындай кезге жеттік. Дара тұлға, индивид, лидер, озат деген ұғымдарды санамызға тереңдетіп құйып берген ұстаздарға шынымен-ақ үлкен алғыс айтқым келеді, алайда, өкінішке орай, оқушыларға сенбейтін, оны дара тұлға, өзінің ойын еркін түрде жеткізе алатынына көзі жетпеген де мұғалімдер бар. Әрине, көптеген балалар ол кісілерді не дұрыс білім бермейді, не «бізге санаты жетпейді» дейді. Ол жағын білмеймін, алайда, мұндай жағдай әрине біздей оқушылардың жүрегіне ауыр тиеді, сондықтан бұл кісілерге аз-мәз ренішім де бар.
Лицей шарықтап келе жатыр, міне осыдан 3 жыл бұрын үлкен жетістік болып көрінген зат, қазіргі кездегі шынымен үлкен жетістіктер болып көрініп тұрған белестердің жанында тек бастау секілді. Алдымызда үлкен мақсат, көптеген міндеттер мен өзге биік асулар тұр! Сол биік асуларды бағындыруға лицей көмек беретініне сенімдімін.