на тему Знакомство с цыпленком -на татарском языке- подготовила воспи.
Работа добавлена на сайт samzan.net: 2016-03-13
Поможем написать учебную работу
Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
от 25%
Подписываем
договор
Муниципальное бюджетное дошкольное образовательное учреждение
«Детский сад общеразвивающего вида с приоритетным осуществлением интеллектуального направления развития воспитанников № 49 «Гульназ»
города Набережные Челны Республики Татарстан
Конспект занятия по развитию речи
в I младшей группе на тему
«Знакомство с цыпленком»
/на татарском языке/
подготовила
воспитатель I категории
МБДОУ №49 «Гульназ»
Галиаскарова Розалия Гумеровна
Набережные Челны
2011
Максат:
- Йорт кошларының үзенчәлекле билгеләрен танып әйтергә өйрәтү.
- Йорт кошлары турындагы белемнәрен камилләштерү.
- Йорт кошларына кызыксынучанлык тәрбияләү.
Күрсәтмә материал:
Рәсемнәр, уенчык чеби
Таратма материал:
Серле йомыркалар
Балалар белән әзерлек эшләре:
Кошлар тавышын тыңлау, рәсемнәрен карау
Тәрбияченең әзерлек эшләре:
Рәсемнәр, бала “әтәч”не әзерләү
Шөгыль барышы
Балалар әйдәгез кереп матур итеп утырыйк.
Тыңлагыз әле балалар нәрсә тавышы икән анда.
(магнитофонда әтәч тавышы куела)
- Кикрикүк – дип нәрсә кычкыра? - әтәч.
- Әйе, бик дөрес.
- Карагыз әле менә мондагы рәсемнәргә, бармы икән әтәч рәсеме?
- Ильсур, алып бир әле шул рәсемне – булдырдың.
- Регина кара әле бу нәрсә? - әтәч.
- Рузиль кабатла әле әтәч - әтәч.
- Әтәч ничек кычкыра әле балалар?
- Әйе, кикрикук
- Әйдәгез шыпырт кына әтәч кебек кикрикүк дип кычкырыйк әле.
- Ә хәзер кычкырыбрак - кикрикүк.
- Булдырдыгыз.
- Тыңлагыз әле балалар тагын нәрсәдер тавышы бар. Нәрсә икән ул?
(магнитофонда тавык тавышы куела)
- Тавык тавышы икән
- Айдар әйдәле күрсәт, бармы икән монда тавык?
- Әйе, бик дөрес алып килдең
- Рузиль нәрсә бу? – тавык
- Ильназ нәрсә бу? – тавык
- Адель кабатла әле – тавык
- Балалар, тавык нинди төстә? – чуар, әйе дөрес.
- Әйтегез әле тавык ничек кычкыра?
- Кыт-кыт-кыт
- Ильназ, әйтеп күрсәт әле тавык ничек кычкыра?
- Кыт-кыт-кыт
- Әйе, булдырдың.
- Балалар тыңлагыз әле нәрсәдер кыштырдый түгелме?
- Әйдәгез бергә барып карыйк әле.
- Карагыз әле балалар монда чеби утыра икән бит. Алыйк әле үзебез белән аны.
- Урыннарга утырыйк та карыйк әле. Нинди икән чеби?
- Тавык йомырка салган да, аннан чеби чыккан. Ул сары төстә, бәләкәй, йомшак, бәләкәй генә канатлары, күзләре бар, томшыгы – ул аның белән җим чүпли, бөҗәкләр эзли.
- Сез дә тотып карагыз әле, шундыймы икән? – йомшак, матур чеби.
(балалар тотып карый)
- Ильсур, бу нәрсә? – чеби
- Азалия, чеби нинди төстә? – сары
- Ильназ, чеби нинди? – йомшак
- Чебинең бу нәрсәләре? – күзләре
- Бу нәрсәләре? – канатлары
- Чеби нәрсә ярата балалар? – җим, бөҗәк.
- Адель, кабатла әле – бөҗәк.
- Регина – җим – дип әйт әле.
- Әйе, балалар булдырдыгыз.
- Чеби бүген шундый шат чөнки сез аның турында бик күп матур сүзләр әйттегез.
- Әйдәгез хәзер уйнап алабыз. Мин тавык булам, ә сез чебиләр.
Кыт-кыт-кыт
Тавык чыккан урамга
Яшел чирәм булганга
Аннан чыкты чебиләр
Сары йомшак бәбиләр
Кыт-кыт-кыт
Китмәгез сез еракка
Бөртекләр сез эзләгез
Бөҗәкләр дә чүпләгез
Тәмле бөҗәкне каптык
Бөртекләрне дә таптык
Аннан соң су эчтек.
Йөгереп өйгә киттек.
- Булдырдыгыз, матур итеп урыннарга утырыйк.
Әтәч керә
- Кикрикук
- Карагыз әле балалар безгә әтәч килгән.
- Исәнмесез балалар.
- Исәнмесез әтәч. Сиңа без бик шат.
- Мин сезнең чебиләр турында сөйләшкәнегезне ишеттем дә сезгә күчтәнәчләр алып килдем.
- Нәрсә алып килдең соң Әтәч?
- Минем тавыкларым салган серле йомыркалар.
- Рәхмәт сиңа Әтәч.
- Әйдәгез балалар рәхмәт әйтик әле.
- Рәхмәт – тавыкларыңа да бездән рәхмәт әйтерсең әтәч.
- Күрсәт әле балаларга нинди серле йомыркалар алып килдең икән.
- Менә нинди икән алар.
- Без аларны кулларны юып, өстәлләр артына утырып ашарбыз, нинди серле икәнен дә карарбыз.
- Ярый сау булыгыз балалар, мин китим инде.
- Сау бул, әтәч.
Кулланма әдәбият (Литература)
- Казыйханов В.С., Зарипова К.М. “Туган телем бөек анам теле”
- Закирова Н.В., Борһанова Р.Н. “Балалар бакчасында тәрбия һәм белем бирү программасы”
- Зарипова З.М., Хәлитов И.М. “Бал бабай”
- Муяссарова И.Х. “Азрак ял итеп алыйк”