Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
Акцин эклц:
Нүүрлгч: Мана Хальмг Таңһчд хальмг кел өргҗүлһнд, делгрүллһнд ик көдлмш кегдҗ йовна. Мана бичкдүдин сад эн туст бас тәвцән орулхар седҗәнә. «Төрскн келндән дөңгән күргтн!» җисәнә «Хальмг келн гер болһнд, өрк-бүл болһнд» гидг нертә акц секҗәнәвидн! Ода бичкдүдин садын һардачд Моталова В.А. үг өгчәнәв.
Нүүрлгч: Мана эн ик нәәрт гиичнр ирсн бәәнә:
- Хальмг Таңһчин эрдм-сурһулин болн сойлын министерствин ах специалист Уджаев Борис Николаевич
- Элст балһсна мэрин эрдм-сурһулин заллтын ах специалист
Ангирова Булгун Борисовна
-Элст балһсна эрдм-сурһулин методическ цутхлңгин көдләч –
Дорджиева Клавдия Моктеевна
- Хальмг Таңһчин «Хальмг үнн» газетин зәңгч–
Тюрбеев Геннадий Григорьевич
- Бичкдүдт нерәдгсн «Байр» гидг журналын корреспондент –
Бокова Валентина Кевкяевна
-Хальмг Таңһчин радион зәңгч Шурунгова Цаһан Антоновна
«Хамдан» - телеканал
Кесг җилин туршт мана бичкдүдин сад 23-гч тойгта дундын школла залһлда бәрәд көдлҗ йовна
- Эн школын хальмг келнә багш – Айтаева Нина Лиджиевна
- 1-гч келн-улсин классин багш Дармаева Светлана Кумаевна
Нүүрлгч: «Хальмг келндән тусан күргтн!» гисн жисәнд орлцхар, мадниг дөңнхәр эндр мана ах үйнр ирсн бәәнә. Хальмг Таңһчдан нерән туурлсн ачта дууч Очкаев Борис Дорджиевич, хойр ээҗ Бадмаева Роза Васильевна болн Найминова Валентина Манджиевна, дәкәд болхла баахн эк – Дорджиева Байрта Юрьевна. Эднә ачнр-зеенрнь, көвүд-күүкднь мана бичкдүдин садт орна.
Күндллһна авъясар түрүн үг аавд Очкаев Борис Дорджиевичд өгчәнәв.
Нүүрлгч: Гертән хальмгар күүндхд ик нилчән, килмҗән күргдгинь мана ээҗнр болҗана. Бадмаева Роза Васильевнад болн Найминова Валентина Манджиевнад үг өггдҗәнә.
Нүүрлгч: Җил болһн мана бичкдүдин садас олн күүкд-көвүд һарад, школд орцхана. Эндр мана күцәхәр бәәх керг-үүлдвриг бас дөңнхәр, эгч-дү хойр
Лагодина Настя болн Саша ирцхәв. Цуг ирсн гиичнриг байрлулад, Лагодина Саша Манҗин Аркадин бичсн «Торһа» гидг ду дуулҗ өгх.
Нүүрлгч: Өдгә цагин бичкдүдин эк-эцкнр баахн. Тиим болвчн, зәрм эк-эцкнр хальмг келндән йир хару. Хальмг келән хадһлхин, делгрүлхин төлә, гертән бичкдүдтәһән талт-мулт хальмгарн күүндхтән зүткҗ йовна. Ода мана баахн экд Дорджиева Байрта Юрьевнад үг өггдҗәнә.
Нүүрлгч: Лагодина өрк-бүл хальмг улсин дуунд йир дурта. Эдн өрк-бүләрн дуулцхана. Эндрк сән чинртә йовлыг дөңңәд, эгч дү хойр Настя болн Саша «Хальсн домбр» гидг ду таднд дуулҗ өгх.
Нүүрлгч: Мана садт һурвн зун дөрвн бичкдүд орна. Мана көвүд-күүкд хальмг келндән бас хару. Цуһар эдн хальмг кел дасна. Өвкнринь үлдәсн ик гидг амн үгин зөөриг тодлҗ авна, хальмг улсин авг-бәрцлә, заңшалла таньлдна, хальмг келәрн талт-мулт күүндцхәнә.
Одахн мана хальмг улс Зул гидг нәәрән темдглв. Ирсн гиичнриг эн сәәхн нәәрин байрла йөрәхәр хойр келн-улсин бичкдүд ирсн бәәнә.
3-гч тойта «Богшурһа» гидг нертә ах багин күүкн Анджукаева Дарина авсн насит йөрәхәр бәәнә.
Эн багин бичкдүд «Зул ирвә» гидг ду дуулҗ өгх.
1-гч тойгта «Харада» гидг дунд багин көвүн Дорджиев Алдар таднд йөрәлин үгән келхәр бәәнә.
Эн багин көвүд-күүкд «Боорцг» гидг дун
Нүүрлгч: Күндтә ирсн гиичнр! Би эврән бичкдүдин садын көдләчнрин нерн деерәс мана нәәрт ирснтн, мана кех, күцәх көдлмшт урмд өгснтн, ик гидг ханлтан өргҗәнәв. Би тадниг бас орҗах Шин җиллә йөрәҗәнәв!
Орҗах Шин Моһа җил
Өлзәтә цаһан хаалһта болтха!
Цуг маднд эрүл-менд, сән җирһл,
Бат кишг, байр-бахмҗ авч иртхә!
Нүүрлгч: Хальмг улсин авъясар ирсн гиичнрән халун хальмг цәәһәр, хавтха хальмг боорцгар тооһад һарһнавидн!