Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
Қазақстан Республикасының Президенті – Елбасы Н.Ә.Назарбаевтың «Қазақстан-2050» Стратегиясы қалыптасқан мемлекеттің жаңа саяси бағыты» атты Қазақстан халқына Жолдауы ел болашағы мен халықтың келешек өмірі үшін маңызы зор екені ақиқат. Оған себеп, жолдау барысында қарастырылған жан-жақты түйіткілді мәселелер. Атап айтатын болсам, денсаулық, білім беру салалары, мәдениет, ғылым, әсіресе экономика және саясат тақырыптарын тереңінен зерттеп, қажет талаптар қойыла білген. Соның арқасында қайсібір тарап болмасын оң өзгерістерге ие болып келеді.
Мен бүгін Елбасы жолдауының жарияланғаннан бері жүктелген міндеттердің қаншалықты деңгейде атқарылып жатқандығына тоқтала кетсем. Яғни, үкімет басшылары қандай есеп беру арқылы уәделі оң нәтижеге қол жеткізгенін баса айта алады екен?!
Премьер министр Серік Ахметовтың айтуынша, қаңтар-қыркүйек аралығында еліміздің жалпы ішкі өнімі 5,7 пайызға өскен. Оның бағалауынша, жылдық шамада ІЖӨ өсімі 6 пайызды құрамақ. Инфляцияның жылдық шамасы 5,4 пайыз болып отыр. «Биыл 20 миллион тоннадан кем емес көлемде астық жиналады деп болжануда. Және де Қазақстан Көшбасшысы 2050 жылға дейінгі стратегияда кәсіпкерлерге қатысты бірқатар тапсырмалар бергені мәлім. «Ұлттық кәсіпкерлер палатасы туралы» заң қабылданды. 2020 жылға дейінгі Кәсіпкерлердің қызметін мемлекеттік реттеу Тұжырымдамасы әзірленді. Ішкі инвестициялық климатты ары қарай жақсарту жөніндегі Кешенді жоспар бекітілді. Рұқсат беру жүйесін жетілдіру жұмыстары жалғастырылуда. Бүгінгі таңда барлық лицензияларды және бизнестің ең көп сұранысына ие 80 рұқсат түрлерін беру автоматтандырылды – деп сөзін жалғады министр.
«Мемлекет, әсіресе, жаһандық дағдарыс жағдайында, азаматтарға ең төменгі әлеуметтік стандарт кепілдігін беруі тиіс. Басты міндет – кедейшіліктің өсуіне жол бермеу» деген міндетті тағы қойған болатын Елбасы 2050 жылға дейінгі стратегияда. Осы орайда кеше экономика министрі «2030 жылға дейінгі еліміздің Әлеуметтік даму тұжырымдамасының жобасы» әзірленгендігін хабарлады: «Тұжырымдама жобасы қазақстандықтардың өмірлік циклдың әрбір кезеңінде толыққанды дамуы және өз қарым-қабілеттерін жүзеге асыруы үшін әлеуметтік-экономикалық жағдайларды кезең-кезеңмен қамтамасыз етуді қарастырады. «Ең төменгі әлеуметтік стандарттар туралы» заңның жобасы әзірленді, ол әлеуметтік саладағы ең төменгі әлеуметтік стандарттарды қалыптастыру және қолданудың негізгі қағидаттарын анықтайды».
«Біз 2013 жылы жауапкершілік пен өкілеттіктерді орталық пен өңірлер арасында бөлу жөнінде нақты шаралар қабылдауымыз қажет» деген міндет белгілеген Елбасы «Қазақстан – 2050» стратегиясында. Бұл міндет орындалыпты. «Мемлекеттік басқару органдары арасындағы өкілеттіктердің ара-жігін ажырату мәселелері жөніндегі заң қабылданып, оған сәйкес, орталықтан жергілікті жерлерге, облыстан – аудандарға, ауданнан – ауыл-кенттерге 73 функция түсірілді. Қазіргі уақытта жергілікті деңгейлерді штаттық бірліктермен нығайту аяқталды, орталықтан жергілікті жерлерге 5 мың 420 бірлік берілді, оның ішінде 4 мың 369 штат бірлігі ауылдарға берілді» деп баяндады министр Ерболат Досаев.
Сонымен қатар, Елбасы қаншама бюджет қаржысының игерілмей отырғандығын ескертті. «Бұл үлкен проблема соңғы жылдары нормаға айналып бара жатыр, – деп қынжылды ол, – алдын ала болжамдар бойынша игерілмеген қаржы ауқымы қазірдің өзінде 150 миллиард теңгені құрап отыр! Бұған қосымша алынған қаржылардан 25 миллиарды қосылып, жалпы сомасы 175 миллиардқа жетуде. Ең дұрысы, бұл қаржылардың бөлінген жерінде игерілгені болар еді. Ал бұл жасалмаған екен, онда бұл қаржылар бастапқыда бөлінген бағдарламалардан тартып алынады да, кезек күттірмес басқа шараларға жұмсалады».
Нұрсұлтан Назарбаев олардың нендей «кезек күттірмес» шаралар екендігін өзі атады: «Бұл қаржылардың бір бөлігін «ЭКСПО – 2017» көрмесін дайындауға пайдалану қажет. Қалған қаражаттарды бюджеттің тапшылығын қысқартуға бағыттау керек. Сонда бізде бюджет тапшылығы шамамен 2 пайызды құрайды». Үкімет бюджет тапшылығын шетелден қарыз алу жолымен жабатыны мәлім, демек, Қазақстанға сырттан көп қарыздану-қауғалану қажет болмайды. Мемлекет басшысы кәсіпкерлікті мемлекеттік қолдауды күшейту қажеттігін баса айтты. «Кәсіпкерлікті қолдаудың тиімді құралы «Бизнестің жол картасы–2020» бағдарламасы болып табылады, – деп бағалады ол. – Біздің минералды ресурстарымыз жұмыс орындарының 4,7 пайызын ғана құрайды екен. Тіпті Американың өзінде инновациялық технологиялар орындардың 1 пайызын алады. Ал 50 пайыз жұмыс орындарын шағын және орта бизнес құра алады екен. Біз неге оған дамуға мүмкіндік бермейміз?»
Осы орайда отандық бизнес үшін жақсы жаңалық жарияланды.
– Бірқатар өңірлер «Бизнестің жол картасы» аясында бөлінетін қаржылар тапшылығы мәселесіне жолығуда. Ендігі бекітілген шарттарға және ендігі мақұлданған жобаларға қаржы жетіспеуде. Өңірлік үйлестіруші комиссиялар мақұлдаған 155 жоба бойынша тапшылық 1,5 миллиард теңгені құрайды, – дей келе, Президент Н.Назарбаев Үкімет басшысына бұрылды: «Серік Нығметұлы, мүмкін, беру керек шығар бұл қаржыны?! Бұл экономика ұстыны болар бизнес қой? 155 дайын тұрған жобаларға беріңдер. Бизнеске көмектесеміз дедік, қолын қақсақ, айтқанымызды орындамағанымыз болар. Бұл мәселені шешіңдер! – деп, тапсырды.
Президенттің кәсіпкерлікті қорғау үшін арнайы ашылған сайтына былтыр 87 шағым түссе, биылғы жылдың 9 айында ол 940-қа жетіпті. Осы жылдың 7 айында-ақ прокурорлар 2 мыңнан астам негізсіз тексерулерді анықтаған екен. «Заңсыз тексерулер ұйымдастырғаны үшін 200 адам жазаланды, – деді Бас прокурор Асхат Дауылбаев, – біз Үкіметке 2 мыңы бойынша ұйғарым енгізіп, барлығын жазалауды сұрағанбыз, тек 200-і жазаланды». Ол қабылданған шаралар арқасында соңғы жылда «ревизорлардың» заңсыз сапарларының саны 10 есе қысқарғанын мәлім етті. «Біз қазір Президент Әкімшілігімен және Үкіметпен бірге, тәртіп орнатып жатырмыз!» деді Бас прокурор. Оған Мемлекет басшысы заңсыз тексерістерді қысқарту бағдарламасын әзірлеуді тапсырды.
Қазақстан Көшбасшысы Үдемелі индустриялық-инновациялық даму бағдарламасының жүзеге асу барысына қатысты мәселелерді көтерді. Дәл осындай арнайы бағдарламаны бізден кейін АҚШ, Жапония, Түркия қабылдапты. «Яғни біз нысанаға дөп тидік. Олар да осындай бағдарлама керектігін түсінді» дей келе, Н.Назарбаев әйткенмен кейбір жобалардың жете ойластырылмағандығын айтты. «Бірқатар жаңа кәсіпорындар өнімін өткізу, шикізат жеткізу, кадрлармен қамтамасыз ету проблемасына кезігуде. Мәселен, Қарағандыда маған үлкен мақтанышпен көрсетілген, «Фермер» ұшағын өндіретін зауыт жалғыз ғана (!) аэроплан шығарған. Оның өзі қазір ұшпайды, бір қанатына қарай жантайып жатыр дейді. Бізге мұндай көзбояушылық неге керек?» деп қынжылды ол.
Осы және өзге де қатаң талаптар мен нақты қойылған міндеттер сайып келгенде Елбасымыздың көреген саясатының арқасында екені белгілі. Және одағы басты мақсат, Қазақстан Республикасын «Мәңгілік ел» ету. Елдігімізді, тәу етер тәуелсіздігімізді сақтап қала отырып, әрі қарай дамуды, дамыған мемлекеттердің алдыңғы шебіне шығуды армандаған Көсбасшымыз біздер сияқты жастарға көп үміт артады. Сондықтан да қайсібіріміз болмасын, бір мақсат, бір мүддемен бірігуге тиіспіз!