Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
Методыка чытання вершаў.
У літаратуразнаўстве адрозніваюць дзве сістэмы мастацкай будовы мовы – празаічную і вершаваную.Вершаванай мове ўласцівы некалькі прыкмет:
-рытм, які характарызуецца, элементамі; якія паўтараюцца, чаргаваннем націскных і ненаціскіных складоў у радку;
-рыфма сугучча канцоў вершаваных радкоў;
-павышаная эмацыяльнасць, якая мае адлюстрованне ў эмацыянальна афарбаванай інтанацыйнай сістэме.
Вершаваныя творы дзеляцца на эпічныя, лірычныя і драматычныя;
Для эпічных вершаў характэрна наяўнасць сюжэта, гэта значыць сістэмы падзей у іх развіцці. У цэнтры эпічных вершаў – вобразы-персанажы. Усё гэта збліжае эпічныя вершы з апавяданнямі, абдумлівае агульнасць метадычных палажэнняў, якія вызначаюць аналіз эпічнага верша і апавядання.
Аналіз эпічнага верша накіраваны на выясненне сюжэта (развіцця дзеяння), раскрыццё асаблівасцей дзеючых асоб, ідэі твора, яго мастацкіх асаблівасцей. Дапускаецца дзяленне яго на адносна закончаныя часткі, складанне плана, чытанне ў асобах.
У лірычных вершах прадметам адлюстравання становяцца перажыванні, пачуцці чалавека, што можа быць абумоўлена карцінамі прыроды, грамадскімі і сацыяльнымі з’явамі, філасофскімі разважаннямі аб жыцці, любві, прыгажосці.
З улікам жыццёвых абставін, якія выклікалі тыя ці іншыя перажыванні ў паэта, у літаратуразнаўстве лірыка падзяляецца пейзажную, патрыятычную, палітычную, філасофскую і г.д.
У пачатковай школе вучні знаёмяцца з пейзажнай і саыяльнай лірыкай.
Неабходна адзначыць умовы, якія ўплываюць на ўспрыняцце вучнямі пейзажнай лірыкі.
1.Наяўнасць у вучняў жыццёвых уяўленняў, набліжаных да аўтарскіх.
2.Развіццё ў вучняў увагі да перажыванняў герояў, настрою і пачуццяў. Мэтанакіраваная работа надузбагачэннем лексікі дзяцей словамі, якія абазначаюць пачуцці адценні пачуццяў, стан і настрой (радасць, страх, сум, гордасць; спакойна, усхвалявана, урачыста).
3.Фарміраванне ў вучняў творчага ўяўлення.
Пры падрыхтоўцы да чытання вершаў аб прыродзе настаўнік вызначае перш за ўсё месца і час правядзення экскурсіі, уважліва падбірае рэпрадукцыі карцін мастакоў, музычныя творы, сугучныя вершам, а таксама фільмы, прагляд якіх узбагаціць жыццёвыя ўражанні вучняў. Асабліва ўважліва адбіраецца біяграфічны матэрыял аб пісьменніку, так як дзеці павінны зразумець прычыны ўзнікнення ў аўтара тых пачуццяў і перажыванняў, якія адлюстраваны ў дадзеным лірычным вершы.