Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
КРАТКАЯ ЛЕТОПИСНАЯ ПОВЕСТЬ О КУЛИКОВСКОЙ БИТВЕ
Повесть была создана, очевидно, составителем летописного свода 1408 г., отразившегося в погибшей Троицкой летописи. В ее тексте заметны черты близости с «Задонщиной».
Текст повести приводится по изданию. Сказания и повести о Ку ликовской битве. — Л., 1982.
О ВЕЛИКОМ ПОБОИЩИ, ИЖЕ НА ДОНУ
Того же лъта безбожный злочестивый ординскый князь, Ма май поганый, собравъ рати многи и всю землю половечьскую и Татарьскую, и рати понаимовавъ, фрязы и черкасы и ясы, и со всъми сими поиде на великаго князя Дмитриа Ивановича и на всю землю Русскую. И бысть мьсяца августа, приидоша отъ Орды вьсти къ князю к великому Дмитрию Ивановичю, аже въздвиза-еться рать татарьскаа на христианы, поганый родь измаилтескый. И Мамай нечестивый лютъ гнъвашеся на великаго князя Дмитриа о своих друзъх и любовницъх и о князъх, иже побиени бысть на ръцъ на Вожь, подвижася силою многою, хотя плънити землю Русскую. Се же слышавъ князь великий Дмитрей Ивановичь, со-бравъ вои многы, поиде противу их, хотя боронити своея отчины и за святыя церкви и за правовърную въру христианьскую и за всю Русьскую землю. И переехавъ Оку, прииде ему пакы другая въсти, повъдаша ему Мамая за Доном собравшася, въ поль сто яща и ждуща к собъ Ягайла на помощь, рати литовскые.
Князь же великий поиде за Донъ, и бысть поле чисто и велико зъло, и ту срътошася погании половци, татарьстии плъци, бь бо поле чисто на усть Непрядвы. И ту изоплъчишася обои и устръми-шася на бой, и соступишася обои, и бысть на длъзъ часъ брань крьпка зьло и съча зла. Чресъ весь день съчахуся, и падоша мерт вых множьство бесчислено оть обоихъ. И поможе Богъ князю ве ликому Дмитрию Ивановичу, а Мамаевы плъци погании побъго-ша, а наши послъ, биющи, съкуще поганыхъ безъ милости. Богь бо невидъмою силою устраши сыны агаряны, и побъгоша обрати плещи свои на язвы, и мнози оружием падоша, а друзии а ръць истопоша. И гнаша их до ръкы до Мечи, и тамо множество их избиша, а друзии погрязоша в водь и потопоша иноплъменници же, гоними гнъвом Божиимъ и страхом одръжими суще. И убъжа Мамай в малъ дружинъ въ свою землю Татарьскую.
Се бысть побоище мъсяца септября въ 8 день, на Рожество Святыя Богородица, въ субботу, до объда.
И ту убиени быша на суимъ: князь Феодоръ Романович Бъло-зерскый, сынъ его князь Иванъ Феодорович, Семенъ Михайло вич, Микула Василиевич, Михаило Иванович Окинфович, Аид-рей Серкизовъ, Тимофъй Волуй, Михайло Бренковъ, Левъ Мо-розовъ, Семенъ Меликъ, Александръ Пересвътъ и инии мнози.
Князь же великий Дмитрей Иванович съ прочими князи рус-скыми и съ воеводами, и с бояры, и с велможами, и со остаточ ными плъки русскыми, ставъ на костехъ, благодари Бога и похва ли похвалами дружину свою, иже кръпко бишася съ иноплъмен-никы и твердо за нь брашася, и мужьскы храброваша и дръзнуша по Бозъ за въру христианьскую.
И возвратися оттуду на Москву, въ свою отчину с побъдою великою, одолъ ратным, побъдивъ врагы своя. И мнози вои его возрадовашася, яко обрътающе користь многу: погна бо с собою многа стада кони, и вельблюды, и волы, им же ньсть числа, и доспьх, и порты, и товаръ.
Тогда повъдаша князю великому, что князь Олегъ Рязаньскый послалъ Мамаю на помощь свою силу, а самъ на ръкахъ мосты перемъталъ. Князь же великий про то въсхотъ на Олга послати рать свою. И се внезапу, в то връмя, приехаша к нему бояре рязань-стии и повъдаша ему, что князь Олегъ повергъ свою землю, да самъ побъжалъ и со княгинею, и з дътми, и с бояры, и з думцами своими. И молиша его о сем, дабы на них рати не слал, а сами биша ему челом и рядишася у него в ряд. Князь же великий, по-слушавъ их и приим челобитие их, не остави их слова, рати на них не посла, а самъ поиде въ свою землю, а на Рязанском кня-женье посади свои намъстници.
Тогда же Мамай не во мнозъ утече съ Доньского побоища и прибъже въ свою землю в малъ дружинъ. Видя себе бита, бъжавша и посрамлена и поругана, пакы гнъвашеся, неистовяся, яряся и съмущашеся, и, собраша останочную свою силу, еще въсхотъ ити изгоном пакы на великаго князя Дмитрея Ивановича и на всю Русскую землю. Сице же ему умысльшу, и се прииде ему въсть, что идет на него нъкый царь со Востока, именем Токтамышь изъ синее Орды. Мамай же, еже уготовал на ны рать, с тою ратию готовою поиде противу его, и срътошася на Калках. Мамаевы же князи, сшедше съ коней своих, и биша челомъ царю Токтамышу и даша ему правду по своей въръ, и пиша к нему роту, и яшася за него, а Мамая оставиша, яко поругана.
Мамай же, то видъвъ, и скоро побъжа со своими думцами и съ единомысленикы. Царь же Токтамышь посла за ним в погоню воя своя, и убиша Мамая. А сам шед взя Орду Мамаеву и царици его и казны его и улусъ весь пойма, и богатьство Мамаево раздъли дружинъ своей. И оттуду послы своя отъпусти на Русскую землю ко князю великому Дмитрию Ивановичу и ко всьмъ княземъ рус-скым, повъдая им свой приход и како въцарися, и како супротив ника своего и их врага Мамая побьди, и самъ шед съде на Царствь Волжьском. Князи же рустии пословъ его отъпустиша съ честию и с дары, а сами на зиму ту и на ту весну, за ними, отпустиша коиждо своих киличеевъ со многыми дары ко царю Токтамышю.