Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
<НАЧАЛО КНЯЖЕНЬЯ СВЯТОСЛАВЛЯ, СЫНА ИГОРЕВА>
В лъто 6454. Ольга съ сыном своимъ Святославомъ собра вои много и храбры, и иде на Деревьску землю. И изидоша дерев ляне противу. И сънемъшемася обьма полкома на скупь, суну копьемъ Святославъ на деревляны, и копье летъ сквозь уши коневи, и удари в ноги коневи, бъ бо дътескъ. И рече Свънелдъ и Асмолдъ. «Князь уже почалъ, потягньте, дружина по князь». И побъдиша деревляны. Деревляне же побъгоша и затвориша-ся в градъхъ своих. Ольга же устремися с сыном своимъ на Искоростънь градъ, яко тъе бяху убили мужа ея, и ста около града с сыномъ своимъ, а деревляне затворишася в градъ, и боряхуся кръпко из града, вьдьху бо, яко сами убили князя и на что ся предати. И стоя Ольга лъто, и не можаше взяти гра да, и умысли сице: посла ко граду, глаголюще: «Что хочете досъдъти? А вси гради ваши предашася мнъ, и ялися по дань, и дьлають нивы своя и землъ своя; а вы хочете изъмерети гла-домъ, не имучеся по дань». Деревляне же рекоша: «Ради ся быхомъ яли по дань, но хощеши мьщати мужа своего». Рече же имъ Ольга, яко «Азъ мьстила уже обиду мужа своего, когда придоша Киеву, второе, и третьее, когда творихъ трызну му-жеви своему.
А уже не хощю мъщати, но хощю дань имати помалу, и смирившися с вами пойду опять». Рекоша же деревляне: «Што хощеши у насъ? Ради даемъ медомь и скорою». Она же рече имъ: «Нынь у вас нъсть меду, ни скоры, но мало у васъ про-шю: дадите ми от двора по 3 голуби да по 3 воробьи. Азъ бо не хощю тяжьки дани възложити, яко же и мужъ мой, сего про-шю у вас мало. Вы бо есте изънемогли в осадъ, да сего у васъ прошю мала». Деревляне же ради бывше, и собраша от двора по 3 голуби и по 3 воробьи, и послаша к Ользъ с поклономъ. Вольга же рече имъ: «Се уже есте покорилися мнъ и моему дьтяти, а идъте в градъ, а я заутра отступлю от града, и пойду въ градо свой». Деревляне же ради бывше внидоша въ градъ, и повъдоша людемъ, и обрадовашася людье въ градъ. Волга же раздая воемъ по голуби комуждо, а другимъ по воробьеви, и повель къ коемуждо голуби и къ воробьеви привязывати църь1, обертывающе въ платки малы, нитъкою поверзывающе къ ко-емуждо ихъ. И повелъ Ольга, яко смерчеся, пустити голуби и воробьи воемъ своимъ. Голуби же и Воробьеве полетъша в гнъзда своя, голуби въ голубники, врабьъве же подъ стръхи; и тако възгарахуся голубьници, ово клъти, ово вежь, ово ли одри-ны, и не бъ двора, идеже не горяше, и не бъ льзъ гасити, вси бо двори взъгоръшася. И побьгоша людье изъ града, и повелъ Ольга воемъ своимъ имати а, яко взя градъ и пожьже и; ста-ръйшины же града изънима, и прочая люди овыхъ изби, а дру-гия работъ предасть мужемъ своимъ, а прокъ их остави плати-ти дань.
1 Цьрь — трут.