Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
МАРСЕЛЬ ХӘЕРТДИНОВ
ТӨП МАКСАТ 15.01.14.
1.
Кичә яңа төркем оешты.
Күкләр тәвәккәлләргә безгә “кушты”.
Орлыкланабыз.
Аллаһ Ташкыннары тарафыннан якланабыз.
Төп максатыбыз – хак үзебез булу.
Хак максатыбыз – эчке яктылык-мәхәббәт белән тулу.
2.
Фәрештәи асылыбызга әйләнеп кайтабыз.
Эчке Минебезгә иркенләп үтәбез.
Дөньяви үзебезне ярдәмчел рольгә күчерәбез.
Алтын фәрештәбез белән тирәнтен кушылуны кичерәбез.
Төп максатыбыз – мәңге асылыбызга ялгану.
Төп максатыбыз – Илаһыбызда Уяну.
3.
Аллаһны тышта, читтә генә эзләмик...
Үзебез хакында дөньявича уйламыйк…
Әйе, без, әлбәттә, кеше булып калабыз...
Әмма, шушы мизгел-сызыктан алып, Илаһыбызда ул кешелекне кылабыз!
Күкрәгебездә очкынланабыз, кабынабыз.
Эчке Минебезгә йомшак ялганабыз.
4.
Беребезгә дөнья - тәртә булып - эченә үтеп кергән...
Бик күпне яңа иптәшебез бу дөньяда күргән...
Илаһи сәләтләре дә анда ачылган...
Эчке таркаулыкта ул үзен кылган...
Ике дөньяны алтын киселештә берләштерик.
Аңлы мәңгелегебездә яшәүгә үзебезне ирештерик.
5.
Дөньяви тәртәне, яңа иптәшем, илаһиятеңдә эрет!
Яшәлгән, дөньяви үзеңне автоматик яшәү тәртибенә керт!
Күңелеңне мәңге асылыңа күчер...
Шушы тәнеңдә, шушы шәхесеңдә, шушы тормышыңда рухи, илаһи тууны кичер...
Эчеңнән яктырырсың!
Эчеңдәге Илаһыңда нык торырсың!
6.
Илаһи асылда туганда, беркемгә дә зыян китермә.
Кирәген күптән югалткан дөньяви йегеңне сукыр гадәт хакына күтәрмә.
Һәркемне илаһи-табигый ирегенә, мөстәкыйль яшәвенә җибәр.
Үз азатлыгыңны кайтарганнан соң, йөрәгең синең иркен тибәр.
Үзеңне корбан итеп яшәргә күнеккәнсең.
Якыннарыңны сукырларча яратып, син аларны бераз бозгансың.
7.
Һәркем үз максаты, язмышы, асылы, юлы белән монда килә...
Һәркем тормышын Аллаһ программасы буенча кыла...
Нигә без бер-беребезнең язмышына сукыр мәхәббәттә тыкшынабыз?
Нигә без узучанлыгыбызга, мөккибән китеп, ышанабыз?
Бер-беребездә яшерен фәрештәләрне күрик.
Илаһи-табигый үлчәнештә бер-беребезнең хәленә керик.
8.
Кешечә кыланма.
Дөньяви чүплектә, сукыр гадәт буенча, сайланма.
Җибәр дөньяны иреккә.
Син һәм һәркайсыбыз монда килгән Кирәккә!
Төп максатыбыз нидә?!
Хак урын-хезмәтең синең кайда?!
9.
Ике агач арасында адашкансың.
Ә бит син Илаһыңда монда ашкансың!
Илаһыңны юкка корбан итәсең...
Син бу яшәлгән дөньядан тагын ниләр көтәсең?
Яшәлгән тормышыбыздан тәҗрибә-акылны чыгарыйк!
Дөньяви тормышыбызны түгәрәкләгәннән соң, мәңгелегебезне кайгыртыйк!
10.
Аллаһ бу юлы безне Уянырга һәм Үзенә әйләнеп кайта башларга җибәргән.
Исебезгә төшерик – Ул безгә Үз Илаһын өргән.
Шул Илаһта уяныйк!
Уянуда яшәвебездә табылган тәҗрибә-акылга таяныйк!
Дөньяви тәртә урынына Аллаһ Нуры кереп урнашсын!
Һәркем бердәнбер Илаһына агымдагы тормышында ук ашсын!
11.
Рөхсәт итсәң, Рухымны ярдәмгә җибәрәм.
Дөньяви мин-минлегеңә жәлләми бәрәм.
Нурым һәм мәхәббәтем белән сине әйләндереп алам.
Алтын фәрештәң белән кушылып бетүең сагында торам.
Тәртәңне бәреп чыгарам!
Әсирлектәге фәрештәң турында кайгырам!
12.
Төп эшне үзең башкарасың!
Сукыр түбәнлегеңне тәвәккел кырасың!
Эчке илаһиятеңдә яктырасың, матураясың!
Мәңге Рухыңда горур тураясың!
Илаһиятеңдә, яктылык-мәхәббәтеңдә якыннарың да савыгыр...
Үз яктылык-мәхәббәтләре турында алар да уйланыр...
13.
Аллаһ безне Үзенә чакыра!
Шунлыктан түгелме мин-минлегең, җенең шулай ямьсез акыра!
Илаһыбыз безне инде күптән көтә...
Яктылык-мәхәббәтендә һәм чиксез түземлегендә һәр фикер-хис-гамәлебезгә безнең ул үтә...
Сайлау мөмкинлеге безгә бирелгән!
Тәвәккәлләвең синең Аллаһ Планында каралган!