Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
Қазақстан Республикасының Білім және Ғылым министрлігі
Қарағанды мемлекеттік техникалық университеті
«Өнеркәсіп көлігі» кафедрасы
ОСӨЖ 4
Пәні: Тиеу-түсіру жұмыстарының технологиясы және механизациясы
Тақырыбы: Қойма түрлерін қарастыру
Орындаған: ОП 11-1 тб. ст.
_______________________
Тексерген: Кенжекеева А. Р.
Қарағанды – 2013
Қойма түрлерін қарастыру
Қойма – бұл өндірістік кешенді ғимарат, ол инженерлік құрылымдардан, көтергіштік көліктік машина мен жабдықтардан, есептік техникалардан және бақылау мен атқарылатын жұмысты басқаратын құрылғылардан тұрады.
Қоймалардың құрылымы сақталатын материалдардың физика-химиялық талаптарына сай болып, койма аумағы толығымен пайдалануы тиіс. Қойма жұмыстарын жүргізу барысында барлық қауіпсіздік шараларын орындалуы басты шарт болып табылады. Қоймалардың аумағы сакталатын құндылықтардың максималды мөлшеріне қарай есептеледі. Қойманың жүк тұратын аумағында және өзге жалпы аумағының ішінде есіктер мен өту жолдары, сұрыптау аумақтары және тағы басқа орындар болуы тиіс.
Қызмет көрсету саласына қарай қоймалар цехаралық (орталық) (кәсіпорынның барлық бөлімшелерін қамтуға арналған) және цехтік (яғни, дайын өнім сақтайтын қоймалар) болып бөлінеді.
Сақталатын материалды құндылықтар атауларына қарай қоймалар: әмбебап (көп атаулы немесе әр түрлі материалдарды сақтауға арналған) және арнаулы қоймалар (яғни біртекті материалдарды сақтауға арналған) болып белінеді.
Жүктерді сақтау шарттары мен құрылысы бойынша жабық, жартылай ашық (жабық платформалар) және ашық қоймалар болады. Жабық қоймаларға тайлап-бірленген жүктерге арналған қоймалар, тоңазытқыштар, элеваторлар және т.б. жатады. Оларда қоршаған орта температурасының әсерінен немесе атмосфералық жауын-шашын әрекетінен қорғауды қажет ететін жүктерді сақтайды. Жабық қоймалар стансада жабық платформамен бір кешенде немесе жеке құрастырылуы мүмкін.
Жартылай ашық қоймаларды (жабық платформалар) атмосфералық жауын-шашыннан қорғауды қажет ететін, бірақ жел, ылғалды ауа әсерінен қорықпайтын аз бағалы (малоценных) жүктерді (профильді сортты болат, газ құбырлары, от қалқандар (огнеупоры) сақтау үшін қолданады. Әдетте оларды сол алаңдарда жабық қоймалардың жалғасы ретінде құрастырады. Автомобильдік кірме жағындағы жүктік фронтты үлкейту үшін платформада тісті рампілерді орнатады (қималары платформада бойлық бүйірден). Олар тік бұрышты немесе 30…400 бұрышқа иілген болуы мүмкін.
Ашық платформаларда атмосфералық жауын-шашын мен температура ауытқуларынан қорықпайтын жүктерді (кірпіш, автомобильдер, ауыл шаруашылығы жүктері, ауыр салмақты жүктер және т.б.) сақтайды. Платформалардың ені әдетте 12…18 м. Платформа биіктігі рельс ұшы деңгейінен 1100…1200 мм. Ашық платформалардың темір жол бойымен созылған бүйірлік, және оған перпендикуляр орналасқан қапталдық түрлері болады. Қапталдық платформалар дөңгелекті өздігінен жүретін машиналарды тиеп-түсіруге ыңғайлырақ болып келеді.
Ашық қоймаларға контейнерлік алаңдар, кен, құрылыс материалдары, тас көмір қоймалары жатады.
Жабық қоймалар бірқабатты және биік (көпқабатты) болуы мүмкін. Көпқабатты қоймалардың артықшылықтары – ғимаратты тұрғызуға қажетті алаңның көлемі кіші; құрылыс кезіндегі меншікті капиталды шығындар төмен; сыртқы және ішкі қатынас жолдарының ұзыңдығы кіші.
Көп қабатты қоймалардың іс жүзіндегі кемшіліктері – сатылық марштардың, жүктерді бір қабаттан екінші қабатқа ауыстыруға арналған көтеру құралдарының құрылғысы қажет; қойманың өзіндегі қатынас жолдары жолдары күрделі жүйелері.