Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
39
Ме́сяца Декабря в 24-й де́нь
Предпра́зднство Рожде́ства́ Христо́ва:
После́дование часо́в, пева́емых в на́вечерии Рожде́ства́ Христо́ва.
Отдельно от утрени (по Уставу, «в нача́ле втора́го часа́», т. е., по нашему счету времени, около 8 часов утра) совершается последование часов на́вечерия (царских часов – 1-го, 3-го, 6-го и 9-го) с присоединением к ним чина изобразительных.
Царские часы совершаются при открытых царских вратах. Священник в епитрахили, фелони и, по традиции, в поручах, с Евангелием в руках (в предшествии свещеносца и диакона в облачении, с кадилом и свечой) выходит из алтаря через царские врата к поставленному посреди церкви прямо против царских врат аналою. Обойдя вокруг аналоя, свещеносец ставит свечу с его восточной стороны. Иерей, положив Евангелие на аналой, произносит начальный возглас 1-го часа:
С началом чтения псалмов иерей, в предшествии диакона со свечой, совершает каждение окрест Евангелия, затем кадит алтарь, иконостас, весь храм и народ, и настоя́теля, и бра́тию. Чте́ц же чте́т:
Псало́м 5. Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мой и Бо́же мой, я́ко к Тебе́ помолю́ся, Го́споди. Зау́тра услы́ши глас мой: Зау́тра предста́ну Ти, и у́зриши мя. Я́ко Бог, не хотя́й беззако́ния, Ты еси́, не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма. Возненави́дел еси́ вся, де́лающия беззако́ние. Погуби́ши вся, глаго́лющия лжу, му́жа крове́й и льсти́ва гнуша́ется Госпо́дь. Аз же мно́жеством ми́лости Твоея́ вни́ду в дом Твой, поклоню́ся ко хра́му свято́му Твоему́ в стра́се Твое́м. Го́споди, наста́ви мя пра́вдою Твое́ю, враг мои́х ра́ди испра́ви пред Тобо́ю путь мой. Я́ко несть во усте́х их и́стины, се́рдце их су́етно, гроб отве́рст горта́нь их, язы́ки свои́ми льща́ху. Суди́ им, Бо́же, да отпаду́т от мы́слей свои́х, по мно́жеству нече́стия их изри́ни я́, я́ко преогорчи́ша Тя, Го́споди. И да возвеселя́тся вси, упова́ющии на Тя, во век возра́дуются, и всели́шися в них. И похва́лятся о Тебе́ лю́бящии И́мя Твое́. Я́ко Ты благослови́ши пра́ведника, Го́споди, я́ко ору́жием благоволе́ния венча́л еси́ нас.
Псало́м 44. Отры́гну се́рдце мое́ сло́во бла́го, глаго́лю аз дела́ моя́ Царе́ви, язы́к мой – трость кни́жника скоропи́сца. Красе́н добро́тою па́че сыно́в челове́ческих, излия́ся благода́ть во устна́х Твои́х, сего́ ра́ди благослови́ Тя Бог во век. Препоя́ши меч Твой по бедре́ Твое́й, Си́льне. Красото́ю Твое́ю и добро́тою Твое́ю и наляцы́, и успева́й, и ца́рствуй и́стины ра́ди, и кро́тости, и пра́вды, и наста́вит Тя ди́вно десни́ца Твоя́. Стре́лы Твоя́ изощре́ны, Си́льне, лю́дие под Тобо́ю паду́т в се́рдцы враг царе́вых. Престо́л Твой, Бо́же, в век ве́ка: жезл пра́вости, жезл Ца́рствия Твоего́. Возлюби́л еси́ пра́вду и возненави́дел еси́ беззако́ние: сего́ ра́ди пома́за Тя, Бо́же, Бог Твой еле́ем ра́дости па́че прича́стник Твои́х.
Сми́рна, и ста́кти, и касси́я от риз Твои́х, от тя́жестей слоно́вых, из ни́хже возвесели́ша Тя. Дще́ри царе́й в че́сти Твое́й. Предста́ Цари́ца одесну́ю Тебе́, в ри́зах позлаще́нных оде́яна, преиспещре́на. Слы́ши, Дщи, и виждь, и приклони́ у́хо Твое́, и забу́ди лю́ди Твоя́ и дом отца́ Твоего́, и возжела́ет Царь добро́ты Твоея́: зане́ Той есть Госпо́дь Твой, и поклони́шася Ему́. И дщи Ти́рова с да́ры, лицу́ Твоему́ помо́лятся бога́тии лю́дстии. Вся сла́ва Дще́ре Царе́вы внутрь, ря́сны златы́ми оде́яна и преиспещре́на. Приведу́тся Царю́ де́вы в след Ея́. И́скренния Ея́ приведу́тся Тебе́, приведу́тся в весе́лии и ра́довании, введу́тся в храм Царе́в. Вме́сто оте́ц Твои́х бы́ша сы́нове Твои́, поста́виши я́ кня́зи по всей земли́. Помяну́ И́мя Твое́ во вся́ком ро́де и ро́де. Сего́ ра́ди лю́дие испове́дятся Тебе́ в век и во век ве́ка.
Псало́м 45. Бог нам прибе́жище и си́ла, Помо́щник в ско́рбех, обре́тших ны зело́. Сего́ ра́ди не убои́мся, внегда́ смуща́ется земля́ и прелага́ются го́ры в сердца́ морска́я. Возшуме́ша и смято́шася во́ды их, смято́шася го́ры кре́постию Его́. Ре́чная устремле́ния веселя́т град Бо́жий: освяти́л есть селе́ние Свое́ Вы́шний. Бог посреде́ его́, и не подви́жится, поможе́т ему́ Бог у́тро зау́тра. Смято́шася язы́цы, уклони́шася ца́рствия, даде́ глас Свой Вы́шний, подви́жеся земля́. Госпо́дь сил с на́ми, Засту́пник наш Бог Иа́ковль. Прииди́те и ви́дите дела́ Бо́жия, я́же положи́ чудеса́ на земли́. Отъе́мля бра́ни до коне́ц земли́, / лук сокруши́т, и сло́мит ору́жие, и щиты́ сожже́т огне́м. Упраздни́теся и разуме́йте, я́ко Аз есмь Бог: вознесу́ся во язы́цех, вознесу́ся на земли́. Госпо́дь Сил с на́ми, Засту́пник наш Бог Иа́ковль.
Сла́ва, и ны́не, Аллилу́иа, три́жды. Го́споди поми́луй три́жды.
Сла́ва, тропа́рь предпра́зднства, гла́с 4:
Написова́шеся иногда́ со ста́рцем Ио́сифом, / я́ко от се́мене Дави́дова, в Вифлее́ме Мариа́м, / чревонося́щи безсе́менное Рожде́ние. / Наста́ же вре́мя Рождества́, / и ме́сто ни еди́ноже бе обита́лищу, / но, я́коже кра́сная пала́та, верте́п Цари́це показа́шеся. / Христо́с ражда́ется пре́жде па́дший воскреси́ти о́браз.
И ны́не, Богоро́дичен:
Написова́шеся иногда́ со ста́рцем Ио́сифом, / я́ко от се́мене Дави́дова, в Вифлее́ме Мариа́м, / чревонося́щи безсе́менное Рожде́ние. / Наста́ же вре́мя Рождества́, / и ме́сто ни еди́ноже бе обита́лищу, / но, я́коже кра́сная пала́та, верте́п Цари́це показа́шеся. / Христо́с ражда́ется пре́жде па́дший воскреси́ти о́браз.
После Богородична часа певцы поют (обычно стихирным напевом) особые тропари праздника со стихами пое́м по дважды поем.
Творение Софрония, патриарха Иерусалимскаго, глас 8:
Вифлее́ме, угото́вися, / благоукраси́теся, я́сли, / верте́пе, приими́: И́стина прии́де. / Сень мимотече́, и Бог челове́ком от Де́вы яви́ся, / вообрази́вся я́коже мы и обожи́в плоть. / Тем Ада́м обновля́ется, со Е́вою зову́ще: / на земли́ благоволе́ние яви́ся спасти́ род наш.
2-й лик – тот же тропарь.
Посе́м сти́х: Бог от ю́га прии́дет / и Святы́й из Горы́ приосене́нныя ча́щи.
Гла́с 3:
Ны́не проро́ческое прорица́ние испо́лнитися гряде́т, / та́йно глаго́лющее: / и ты, Вифлее́ме, земле́ Иу́дова, / ника́коже нарече́шися ме́нши во влады́ках, / предуготовля́ющи верте́п: / из тебе́ бо ми изы́дет Игу́мен язы́ков во пло́ти, / от Де́вы Отрокови́цы Христо́с Бог, / И́же упасе́т лю́ди Своя́ но́ваго Изра́иля; / дади́м Ему́ вси вели́чие.
Сти́х: Го́споди, услы́шах слух Твой и убоя́хся; / Го́споди, разуме́х дела́ Твоя́ и ужасо́хся.
Паки тойже тропарь. Таже: Слава, глас 8:
Сия́ глаго́лет Ио́сиф к Де́ве: / Мари́е, что де́ло сие́, е́же в Тебе́ зрю? / Недоуме́ю, и удивля́юся, и умо́м ужаса́юся; / о́тай у́бо от мене́ бу́ди вско́ре. / Мари́е, что де́ло сие́, е́же в Тебе́ ви́жу? / За честь – срамоту́, за весе́лие – скорбь, / вме́сто е́же хвали́тися, укори́зну ми принесла́ еси́. / Ктому́ не терплю́ уже́ поноше́ний челове́ческих, / и́бо от иере́й из Це́ркве Госпо́дни я́ко непоро́чную Тя прия́х, / и что ви́димое?
И ны́не, па́ки то́йже.
Посе́м проки́мен, гла́с 4:
Госпо́дь рече́ ко Мне: / Сын Мой еси́ Ты, Аз днесь роди́х Тя.
Стих: Проси́ от Мене́, и дам Ти язы́ки достоя́ние Твое́, и одержа́ние Твое́ концы́ земли́.
Таже, паремия. Проро́чества Михе́ина чте́ние (глава 5):
Та́ко глаго́лет Госпо́дь: и ты, Вифлее́ме, до́ме Евфра́фов, еда́ мал еси́ е́же бы́ти в ты́сящах Иу́довыхъ? Из тебе́ бо Мне изы́дет Старе́йшина, е́же бы́ти в кня́зя во Изра́или́, и исхо́ди Его́ из нача́ла от дней ве́ка. Сего́ ра́ди даст я́, до вре́мене ражда́ющия роди́т, и про́чии от бра́тий Его́ обратя́тся к сыно́м Изра́илевым. И ста́нет, и у́зрит, и упасе́т ста́до Свое́ кре́постию Госпо́дь. И в сла́ве и́мени Го́спода Бо́га Своего́ пребу́дут, зане́ ны́не возвели́чится да́же до коне́ц земли́.
К Евре́ем посла́ния свята́го апо́стола Па́вла чте́ние. (зачало 303):
Многоча́стне и многообра́зне дре́вле Бог, глаго́лавый отце́м во проро́цех. В после́док дний сих глаго́ла нам в Сы́не, Его́же положи́ насле́дника всем, И́мже и ве́ки сотвори́. И́же Сый сия́ние сла́вы и о́браз Ипоста́си Его́, нося́ же вся́ческая глаго́лом си́лы Своея́, Собо́ю очище́ние сотвори́в грехо́в на́ших, се́де одесну́ю Престо́ла вели́чествия на высо́ких.
Толи́ко лу́чший быв А́нгел, ели́ко пресла́внее па́че их насле́дствова и́мя. Кому́ бо рече́ когда́ от А́нгел: Сын Мой еси́ Ты, Аз днесь роди́х Тя; и па́ки: Аз бу́ду Ему́ во Отца́, и Той бу́дет Мне в Сы́на. Егда́ же па́ки вво́дит Перворо́днаго во вселе́нную, глаго́лет: и да покло́нятся Ему́ вси А́нгели Бо́жии. И ко А́нгелом у́бо глаго́лет: творя́й А́нгелы Своя́ ду́хи и слуги́ Своя́ огнь паля́щ. К Сы́ну же: престо́л Твой, Бо́же, в век ве́ка, жезл пра́вости, жезл Ца́рствия Твоего́. Возлюби́л еси́ пра́вду и возненави́дел еси́ беззако́ние, сего́ ра́ди пома́за Тя, Бо́же, Бог Твой еле́ем ра́дости па́че прича́стник Твои́х. И па́ки: в нача́ле Ты, Го́споди, зе́млю основа́л еси́, и дела́ руку́ Твое́ю суть небеса́. Та́ поги́бнут, Ты же пребыва́еши, и вся, я́коже ри́за, обетша́ют, и, я́ко оде́жду, свие́ши их, и изменя́тся; Ты же то́йжде еси́, и ле́та Твоя́ не оскуде́ют.
Диа́кон: Прему́дрость, про́сти услы́шим свя́та́го Ева́нгелиа.
Иере́й: От матфе́а свя́та́го Ева́нгелиа чте́ние. (зачало 2):
Иису́с Христо́во Рождество́ си́це бе: обруче́нней у́бо бы́вши Ма́тери Его́ Мари́и Ио́сифови, пре́жде да́же не сни́тися и́ма, обре́теся иму́щи во чре́ве от Ду́ха Свя́та. Ио́сиф же, муж Ея́, пра́веден сый и, не хотя́ Ея́ обличи́ти, восхоте́ тай пусти́ти Ю́. Сия́ же ему́ помы́слившу, се А́нгел Госпо́день во сне яви́ся ему́, глаго́ля: Ио́сифе, сы́не Дави́дов, не убо́йся прия́ти Мариа́м, жены́ твоея́: ро́ждшее бо ся в Ней от Ду́ха есть Свя́та. Роди́т же Сы́на, и нарече́ши и́мя Ему́ Иису́с. Той бо спасе́т лю́ди Своя́ от грех их. Сие́ же все бысть, да сбу́дется рече́нное от Го́спода проро́ком, глаго́лющим: Се́ Де́ва во чре́ве прии́мет и роди́т Сы́на, и нареку́т и́мя Ему́ Емману́ил, е́же есть сказа́емо, с на́ми Бог. Воста́в же Ио́сиф от сна, сотвори́, я́коже повеле́ ему́ А́нгел Госпо́день, и прия́т Жену́ свою́. И не зна́яше Ея́, до́ндеже роди́ Сы́на Своего́ пе́рвенца, и нарече́ и́мя Ему́ Иису́с.
Посе́м тропа́рь: Стопы́ моя́ напра́ви по словеси́ Твоему́ / и да не облада́ет мно́ю вся́кое беззако́ние. / Изба́ви мя от клеветы́ челове́ческия, и сохраню́ за́поведи Твоя́. / Лице́ Твое́ просвети́ на раба́ Твоего́ / и нау́чи мя оправда́нием Твои́м.
Да испо́лнятся уста́ моя́ хвале́ния Твоего́, Го́споди, / я́ко да воспою́ сла́ву Твою́, / весь день великоле́пие Твое́.
Та́же Трисвя́то́е, и по О́тче на́ш: Конда́к, гла́с 3:
Де́ва днесь Преве́чное Сло́во / в верте́пе гряде́т роди́ти неизрече́нно: / лику́й, вселе́нная, услы́шавши, / просла́ви со А́нгелы и па́стырьми / хотя́щаго яви́тися Отроча́ Мла́до, Преве́чнаго Бо́га.
Го́споди, поми́луй, 40. И моли́тва:
И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя
ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.
Го́споди, поми́луй, три́жды.
Сла́ва Отцу́, и Сы́ну, и Свято́му Ду́ху и ны́не, и при́сно, и во ве́ки веко́в, ами́нь.
Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
И́менем Госпо́дним благослови́, о́тче.
Священник возглашает: Бо́же, уще́дри ны и благослови́ ны, / просвети́ лице́ Твое́ на ны и поми́луй ны.
Таже молитву сию:
Христе́, Све́те и́стинный, просвеща́яй и освяща́яй вся́каго челове́ка, гряду́щаго в мир, да зна́менается на нас свет Лица́ Твоего́, да в нем у́зрим Свет непристу́пный, и испра́ви стопы́ на́ша к де́ланию за́поведей Твои́х моли́твами Пречи́стыя Твоея́ Ма́тере и всех Твои́х святы́х, ами́нь.
Молитвы часов, читающиеся после конечного возгласа иерея, именуются в афонской традиции «старческими» (см.: Святогорский Устав церковного последования. М.; Афон, 2002. С. 18, 23), поскольку читаются предстоятелем (т. е. игуменом монастыря) или старцем (т. е. наиболее уважаемым монахом). В традиции Русской Церкви молитва 1-го часа произносится иереем, а молитвы прочих часов – чтецом.
Ча́с тре́тий.
Прииди́те, поклони́мся: (3).
Таже псалом 66: Бо́же, уще́дри ны, и благослови́ ны, и просвети́ лице́ Твое́ на ны, и поми́луй ны: позна́ти на земли́ путь Твой, во всех язы́цех спасе́ние Твое́. Да испове́дятся Тебе́ лю́дие, Бо́же, да испове́дятся Тебе́ лю́дие вси. Да возвеселя́тся и да возра́дуются язы́цы, я́ко су́диши лю́дем правото́ю и язы́ки на земли́ наста́виши. Да испове́дятся Тебе́ лю́дие, Бо́же, да испове́дятся Тебе́ лю́дие вси. Земля́ даде́ плод свой. Благослови́ ны, Бо́же, Бо́же наш. Благослови́ ны, Бо́же, и да убоя́тся Его́ вси концы́ земли́.
Псалом 86: Основа́ния Его́ на гора́х святы́х, лю́бит Госпо́дь врата́ Сио́ня па́че всех селе́ний Иа́ковлих. Пресла́вная глаго́лашася о тебе́, гра́де Бо́жий. Помяну́ Раа́в и Вавило́на ве́дущим Мя; и се иноплеме́нницы, и Тир, и лю́дие Ефио́пстии, си́и бы́ша та́мо. Ма́ти Сио́н рече́т: Челове́к и Челове́к роди́ся в нем, и Той основа́ и Вы́шний. Госпо́дь пове́сть в писа́нии люде́й и князе́й сих, бы́вших в нем. Я́ко веселя́щихся всех жили́ще в Тебе́.
Псалом 50: Поми́луй мя, Бо́же, по вели́цей ми́лости Твое́й и по мно́жеству щедро́т Твои́х, очи́сти беззако́ние мое́. Наипа́че омы́й мя от беззако́ния моего́ и от греха́ моего́ очи́сти мя. Я́ко беззако́ние мое́ аз зна́ю и грех мой предо мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х. Я́ко да оправди́шися во словесе́х Твои́х и победи́ши внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя́. Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и Дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу – дух сокруше́н, се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая, тогда́ возложа́т на олта́рь Твой тельцы́.
Сла́ва, и ны́не, Аллилу́иа, (3). Го́споди, поми́луй, (3).
Сла́ва, тропа́рь, гла́с 4:
Написова́шеся иногда́ со ста́рцем Ио́сифом, / я́ко от се́мене Дави́дова, в Вифлее́ме Мариа́м, / чревонося́щи безсе́менное Рожде́ние. / Наста́ же вре́мя Рождества́, / и ме́сто ни еди́ноже бе обита́лищу, / но, я́коже кра́сная пала́та, верте́п Цари́це показа́шеся. / Христо́с ражда́ется пре́жде па́дший воскреси́ти о́браз.
И ны́не, Богоро́дичен:
Богоро́дице, Ты еси́ лоза́ и́стинная, / возрасти́вшая нам Плод живота́, / Тебе́ мо́лимся: / моли́ся, Влады́чице, со святы́ми апо́столы / поми́ловати ду́ши на́ша.
Таже тропари сия по дважды поем. Глас 6:
Сей Бог наш, / не вмени́тся ин к Нему́, / роди́выйся от Де́вы, и с челове́ки поживе́; / во я́слех убо́гих / Сын Единоро́дный лежа́щь ви́дится челове́к / и пелена́ми повива́ется, и́же сла́вы Госпо́дь. / И волхво́м звезда́ возвеща́ет в Его́ поклоне́ние. / И мы пои́м: Тро́ице Свята́я, спаси́ ду́ши на́ша. Два́жды.
Таже поем, глас 8:
Сти́х: Бог от ю́га прии́дет / и Святы́й из Горы́ приосене́нныя ча́щи.
Пре́жде Рождества́ Твоего́, / тре́петно зря́ще та́инство Твое́, Го́споди, / разу́мная во́инства дивля́хуся: / я́коже бо Младе́нец роди́тися благоизво́лил еси́, / не́бо украси́вый звезда́ми, / и во я́слех безслове́сных возлежи́ши, / дла́нию содержа́й всея́ земли́ концы́. / Таковы́м бо смотре́нием уве́дено бысть милосе́рдие Твое́, Христе́, / ве́лия ми́лость Твоя́, сла́ва Тебе́.
Сти́х: Го́споди, услы́шах слух Твой и убоя́хся; / Го́споди, разуме́х дела́ Твоя́ и ужасо́хся.
И паки поем тойже тропарь. Посем Слава, глас 3:
Ио́сифе, рцы нам: / ка́ко, Ю́же от святы́х прия́л еси́, / Де́ву непра́здну приво́диши в Вифлее́м? / Аз, рече́, проро́ки испыта́х / и, весть прие́м от А́нгела, уве́рихся, / я́ко Бо́га роди́т Мари́я несказа́нно; / Ему́же на поклоне́ние волсви́ от восто́ков прии́дут, / с да́ры честны́ми служа́ще. / Воплоти́выйся нас ра́ди, Го́споди, / сла́ва Тебе́.
И ныне, паки тойже тропарь.
Проки́мен, гла́с 4:
Отроча́ роди́ся нам, / Сын, и даде́ся нам.
Стих: Его́же нача́льство бысть на ра́ме Его́.
Проро́чества Вару́хова чте́ние. (главы 3 и 4):
Сей Бог наш, и не приложи́тся ин к Нему́. Изобре́те всяк путь худо́жества, и даде́ и Иа́кову, о́троку Своему́, и Изра́илю, возлю́бленному от Него́. Посе́м же на земли́ яви́ся и с челове́ки поживе́. Сия́ кни́га повеле́ний Бо́жиих, и зако́н сый во ве́ки; вси, держа́щиися ея́, в живо́т вни́дут, оста́вившии же ю, у́мрут. Обрати́ся, Иа́кове, и ими́ся ея́. Поиди́ к сия́нию пря́мо све́та ея́. Не даждь ино́му сла́вы твоея́ и поле́зных тебе́ язы́ку чужде́му. Блаже́ни есмы́, Изра́илю, я́ко уго́дная Бо́гу нам разу́мна суть.
Таже Апостол. К Гала́том посла́ния свята́го апо́стола Па́вла чте́ние (зачало 208):
Бра́тие, пре́жде, прише́ствия ве́ры, под зако́ном стрего́ми бе́хом, затворе́ни в хотя́щую ве́ру откры́тися. Те́мже зако́н пе́стун нам бысть во Христа́, да от ве́ры оправди́мся. Прише́дшей же ве́ре, уже́ не под пе́стуном есмы́. Вси бо вы сы́нове Бо́жии есте́ ве́рою о Христе́ Иису́се: ели́цы бо во Христа́ крести́стеся, во Христа́ облеко́стеся. Несть иуде́й, ни е́ллин, несть раб, ни свобо́дь, несть му́жеский пол, ни же́нский: вси бо вы еди́но есте́ о Христе́ Иису́се. А́ще ли вы Христо́вы: у́бо Авраа́мле се́мя есте́ и по обетова́нию насле́дницы.
Диа́кон возглаша́ет: Прему́дрость, про́сти услы́шим вя́та́го Ева́нгелиа.
Иере́й: От луки́ свя́та́го Ева́нгелиа чте́ние.
[зачало 5] Во днех о́нех изы́де повеле́ние от ке́саря А́вгуста написа́ти всю вселе́нную. Сие́ написа́ние пе́рвое бысть, владя́щу Сири́ею Кирини́ю. И идя́ху вси написа́тися, ко́ждо во свой град. Взы́де же и Ио́сиф от Галиле́и из гра́да Назаре́та во Иуде́ю, во град Дави́дов, и́же нарица́ется Вифлее́м, зане́ бы́ти ему́ от до́му и оте́чества Дави́дова, написа́тися с Мари́ею, обруче́нною ему́ Жено́ю, су́щею непра́здною. Бысть же, егда́ бы́ша та́мо, испо́лнишася дни́е роди́ти Ей. И роди́ Сы́на Своего́ пе́рвенца, и пови́т Его́, и положи́ Его́ в я́слех, зане́ не бе им ме́ста во оби́тели. И па́стырие бе́ху в то́йже стране́, бдя́ще, и стрегу́ще стра́жу нощну́ю о ста́де свое́м. И се А́нгел Госпо́день ста в них, и сла́ва Госпо́дня осия́ их, и убоя́шася стра́хом ве́лиим. И рече́ им А́нгел: не бо́йтеся, се бо благовеству́ю вам ра́дость ве́лию, я́же бу́дет всем лю́дем, я́ко роди́ся вам днесь Спас, и́же есть Христо́с Госпо́дь, во гра́де Дави́дове. И се вам зна́мение: обря́щете Младе́нца пови́та, лежа́ща в я́слех. И внеза́пу бысть со А́нгелом мно́жество вой Небе́сных, хва́лящих Бо́га и глаго́лющих: сла́ва в Вы́шних Бо́гу, и на земли́ мир, в челове́цех благоволе́ние. И бысть, я́ко отыдо́ша от них на Не́бо А́нгели, и челове́цы па́стырие ре́ша друг ко дру́гу: пре́йдем до Вифлее́ма и ви́дим глаго́л сей бы́вший, его́же Госпо́дь сказа́ нам. И приидо́ша, поспе́шшеся, и обрето́ша Мариа́м же и Ио́сифа и Младе́нца, лежа́ща во я́слех. Ви́девше же, сказа́ша о глаго́ле, глаго́ланном им о Отроча́ти Сем. И вси слы́шавшии диви́шася о глаго́ланных от па́стырей к ним. Мариа́м же соблюда́ше вся глаго́лы сия́, слага́ющи в се́рдцы Свое́м. И возврати́шася па́стырие, сла́вяще и хва́ляще Бо́га о всех я́же слы́шаша и ви́деша, я́коже глаго́лано бысть к ним.
Та́же: Госпо́дь Бог благослове́н, / благослове́н Госпо́дь день дне, / поспеши́т нам Бог спасе́ний на́ших, / Бог наш, Бог спаса́ти.
Посем Трисвятое, и по О́тче наш:
Конда́к, гла́с 3: Де́ва днесь Преве́чное Сло́во / в верте́пе гряде́т роди́ти неизрече́нно: / лику́й, вселе́нная, услы́шавши, / просла́ви со А́нгелы и па́стырьми / хотя́щаго яви́тися Отроча́ Мла́до, Преве́чнаго Бо́га.
Го́споди, поми́луй, 40.
И моли́тва: И́же на вся́кое вре́мя:
Го́споди, поми́луй (3).
Сла́ва, и ны́не:
Честне́йшую Херуви́м:
И́менем Госпо́дним благослови́, о́тче.
Иерей: Моли́твами свя́ты́х оте́ц на́ших: Посе́м моли́тва:
Влады́ко Бо́же, О́тче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше, еди́но Божество́, еди́на си́ла, поми́луй мя, гре́шнаго, и, и́миже ве́си судьба́ми, спаси́ мя недосто́йнаго раба́ Твоего́, я́ко благослове́н еси́ во ве́ки веко́в, ами́нь.
На третием и шестом часех кадит диакон Евангелие и иконы, и настоятеля, и лики токмо.
И глаго́лем ча́с шесты́й.
Прииди́те, поклони́мся: три́жды.
И псалом 71: Бо́же, суд Твой царе́ви даждь и пра́вду Твою́ сы́ну царе́ву: суди́ти лю́дем Твои́м в пра́вде и ни́щим Твои́м в суде́. Да восприи́мут го́ры мир лю́дем и хо́лми пра́вду. Су́дит ни́щим людски́м, и спасе́т сы́ны убо́гих, и смири́т клеветника́. И пребу́дет с со́лнцем и пре́жде луны́ ро́да родо́в. Сни́дет, я́ко дождь на руно́, и, я́ко ка́пля, ка́плющая на зе́млю. Возсия́ет во днех Его́ пра́вда и мно́жество ми́ра, до́ндеже оты́мется луна́. И облада́ет от мо́ря до мо́ря и от рек до коне́ц вселе́нныя. Пред Ним припаду́т ефио́пляне, и врази́ Его́ персть поли́жут. Ца́рие Фарси́йстии и о́строви да́ры принесу́т. Ца́рие Ара́встии и Сава́ да́ры приведу́т. И покло́нятся Ему́ вси ца́рие зе́мстии, вси язы́цы порабо́тают Ему́. Я́ко изба́ви ни́ща от си́льна и убо́га, Ему́же не бе помо́щника. Пощади́т ни́ща и убо́га и ду́ши убо́гих спасе́т. От ли́хвы и от непра́вды изба́вит ду́ши их, и че́стно И́мя Его́ пред ни́ми. И жив бу́дет, и да́стся Ему́ от зла́та арави́йска, и помо́лятся о Нем вы́ну: весь день благословя́т Его́. Бу́дет утвержде́ние на земли́ на версе́х гор, превознесе́тся па́че лива́на плод Его́. И процвету́т от гра́да, я́ко трава́ земна́я. Бу́дет И́мя Его́ благослове́нно во ве́ки, пре́жде со́лнца пребыва́ет и́мя Его́, и благословя́тся в Нем вся коле́на земна́я, вси язы́цы ублажа́т Его́. Благослове́н Госпо́дь, Бог Изра́илев, творя́й чудеса́ еди́н. И благослове́но и́мя сла́вы Его́ во век и в век ве́ка; и испо́лнится сла́вы Его́ вся земля́: бу́ди, бу́ди.
Псалом 131: Помяни́, Го́споди, Дави́да и всю кро́тость его́. Я́ко кля́тся Го́сподеви, обеща́ся Бо́гу Иа́ковлю: а́ще вни́ду в селе́ние до́му моего́ или́ взы́ду на одр посте́ли моея́, а́ще дам сон очи́ма мои́ма, и ве́ждома мои́ма дрема́ние, и поко́й скраниа́ма мои́ма, до́ндеже обря́щу ме́сто Го́сподеви, селе́ние Бо́гу Иа́ковлю. Се слы́шахом я́ во Евфра́фе, обрето́хом я́ в поля́х дубра́вы. Вни́дем в селе́ния Его́, поклони́мся на ме́сто, иде́же стоя́сте но́зе Его́. Воскресни́, Го́споди, в поко́й Твой, Ты и киво́т святы́ни Твоея́. Свяще́нницы Твои́ облеку́тся пра́вдою, и преподо́бнии Твои́ возра́дуются. Дави́да ра́ди раба́ Твоего́ не отврати́ лице́ пома́заннаго Твоего́. Кля́тся Госпо́дь Дави́ду и́стиною и не отве́ржется ея́: от плода́ чре́ва твоего́ посажду́ на престо́ле твое́м. А́ще сохраня́т сы́нове твои́ заве́т Мой и свиде́ния Моя́ сия́, и́мже научу́ я́, и сы́нове их до ве́ка ся́дут на престо́ле твое́м. Я́ко избра́ Госпо́дь Сио́на, изво́ли и в жили́ще Себе́. Сей поко́й Мой во век ве́ка, зде вселю́ся, я́ко изво́лих и. Лови́тву его́ благословля́яй благословлю́, ни́щия его́ насыщу́ хле́бы. Свяще́нники его́ облеку́ во спасе́ние, и преподо́бнии его́ ра́достию возра́дуются. Та́мо возращу́ рог Дави́дови, угото́вах свети́льник пома́занному Моему́. Враги́ его́ облеку́ студо́м, на не́мже процвете́т святы́ня Моя́.
Псалом 90: Живы́й в по́мощи Вы́шняго, в кро́ве Бо́га Небе́снаго водвори́тся. Рече́т Го́сподеви: засту́пник мой еси́ и прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи и от словесе́ мяте́жна. Плещма́ Свои́ма осени́т тя, и под криле́ Его́ наде́ешися, ору́жием обы́дет тя и́стина Его́. Не убои́шися от стра́ха нощна́го, от стрелы́, летя́щия во дни, от ве́щи, во тме преходя́щия, от сря́ща и бе́са полу́деннаго. Паде́т от страны́ твоея́ ты́сяща и тма одесну́ю тебе́, к тебе́ же не прибли́жится. Оба́че очи́ма твои́ма смо́триши и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище Твое́. Не прии́дет к тебе́ зло, и ра́на не прибли́жится телеси́ твоему́. Я́ко А́нгелом Свои́м запове́сть о тебе́ сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́. На а́спида и васили́ска насту́пиши и попере́ши льва и зми́я. Я́ко на Мя упова́, и изба́влю и́; покры́ю и́, я́ко позна́ и́мя Мое́. Воззове́т ко Мне, и услы́шу его́; с ним есмь в ско́рби, изму́ его́ и просла́влю его́. Долгото́ю дней испо́лню его́ и явлю́ ему́ спасе́ние Мое́.
Сла́ва, и ны́не, аллилу́иа три́жды. Го́споди, поми́луй, три́жды.
Сла́ва, тропа́рь, гла́с 4:
Написова́шеся иногда́ со ста́рцем Ио́сифом, / я́ко от се́мене Дави́дова, в Вифлее́ме Мариа́м, / чревонося́щи безсе́менное Рожде́ние. / Наста́ же вре́мя Рождества́, / и ме́сто ни еди́ноже бе обита́лищу, / но, я́коже кра́сная пала́та, верте́п Цари́це показа́шеся. / Христо́с ражда́ется пре́жде па́дший воскреси́ти о́браз.
И ны́не, Богоро́дичен:
Я́ко не и́мамы дерзнове́ния за премно́гия грехи́ на́ша, / Ты и́же от Тебе́ Ро́ждшагося моли́, Богоро́дице Де́во, / мно́го бо мо́жет моле́ние Ма́тернее ко благосе́рдию Влады́ки. / Не пре́зри гре́шных мольбы́, Всечи́стая, / я́ко ми́лостив есть и спасти́ моги́й, / И́же и страда́ти о нас изво́ливый.
Та́же тропари́ сия́, гла́с 1:
Прииди́те, ве́рнии, возведе́мся Боже́ственне / и ви́дим схожде́ние Боже́ственное свы́ше, / в Вифлее́ме к нам явле́нне, / и, умо́м очи́стившеся, житие́ принесе́м доброде́тели, / вме́сто ми́ра предуготовля́юще ве́рно рожде́ственныя вхо́ды, / от душе́вных сокро́вищ зову́ще: / в Вы́шних сла́ва Бо́гу, / су́щему в Тро́ице, / Его́же ради в человецех благоволение явися, адама избавляя первородныя клятвы, я́ко человеколюбец. (2)
Сти́х: Бог от ю́га прии́дет / и Святы́й из Горы́ приосене́нныя ча́щи.
Глас 4: Слы́ши, Не́бо, и внуши́, земле́, / да подви́жатся основа́ния, / да прии́мут тре́пет преиспо́дняя: / я́ко Бог же и Творе́ц в плотско́е оде́яся зда́ние, / и И́же держа́вною руко́ю созда́вый тварь, / утро́бы зри́тся зда́ние. / О, глубина́ бога́тства, и прему́дрости, и ра́зума Бо́жия! / Я́ко неиспы́таны судьбы́ Его́ / и неизсле́довани путие́ Его́.
Сти́х: Го́споди, услы́шах слух Твой и убоя́хся, / Го́споди, разуме́х дела́ Твоя́ и ужасо́хся.
И па́ки то́йже. Сла́ва, гла́с 5: Прииди́те, христоно́снии лю́дие, да ви́дим чу́до, / вся́кий ра́зум ужаса́ющее и обдержа́щее, / и, благоче́стно воспева́юще, ве́рнии, поклони́мся. / Днесь к Вифлее́му непра́здна су́щи Де́ва прихо́дит роди́ти Го́спода, / ли́цы же а́нгельстии предтеку́т. / И, сия́ ви́дев, вопия́ше Ио́сиф обру́чник: / что́ е́же в Тебе́ стра́нное та́инство, Де́во? / И ка́ко хо́щеши роди́ти, Неискусобра́чная Ю́нице?
И ны́не, па́ки то́йже.
Та́же проки́мен, гла́с 4:
Из чре́ва пре́жде денни́цы роди́х Тя, / кля́тся Госпо́дь и не раска́ется.
Стих: Рече́ Госпо́дь Го́сподеви моему́: седи́ одесну́ю Мене́.
И паремиа́.
Проро́чества Иса́ииначте́ние. (главы 7 и 8):
Приложи́ Госпо́дь глагола́ти ко Аха́зу, глаго́ля: проси́ себе́ зна́мения у Го́спода Бо́га твоего́ во глубину́ или́ в высоту́. И рече́ Аха́з: не и́мам проси́ти, ниже́ искуси́ти Го́спода. И рече́ Иса́иа: услы́шите у́бо, до́ме Дави́дов: еда́ мал вам труд дая́ти челове́ком, и ка́ко Го́споду труд даете́? Сего́ ра́ди даст Госпо́дь Сам вам зна́мение: се Де́ва во чре́ве прии́мет и роди́т Сы́на, и нареку́т и́мя Его́ Емману́ил; ма́сло и мед и́мать сне́сти, пре́жде не́же уве́дети Ему́ или́ изво́лити лука́вое, избере́т благо́е: Зане́ пре́жде, не́же разуме́ти Отроча́ти благо́е или́ зло́е, отри́нет лука́вая, избере́т благо́е. И рече́ Госпо́дь ко мне: приими́ себе́ сви́ток нов, вели́к и напиши́ в нем писа́лом челове́ческим, е́же ско́ро плене́ние сотвори́ коры́стей, настоя́т бо. И свиде́тели мне сотвори́ ве́рны челове́ки, Ури́ю иере́я, и Заха́рию, сы́на Варахи́ина. И приступи́х ко проро́чице, и во чре́ве прия́т и роди́ сы́на. И рече́ мне Госпо́дь: нарцы́ и́мя ему́, ско́ро плени́ и напра́сно испрове́рзи. Зане́ пре́жде, не́же разуме́ти отроча́ти назва́ти отца́ или́ ма́терь, прии́мет си́лу дама́скову и коры́сти самари́йския пря́мо царю́ ассири́йскому. С на́ми Бог, разуме́йте, язы́цы, и покаря́йтеся. Услы́шите да́же до после́дних земли́, могу́щии, покаря́йтеся, а́ще бо па́ки возмо́жете и па́ки побежде́ни бу́дете. И и́же а́ще сове́т совещава́ете, разори́т Госпо́дь, и Сло́во, е́же а́ще возглаго́лете, не пребу́дет в вас, я́ко с на́ми Бог.
К евре́ем посла́ния свя́та́го апо́стола па́вла чте́ние. (зачало 304):
В нача́ле Ты, Го́споди, зе́млю основа́л еси́, и дела́ руку́ Твое́ю суть Небеса́. Та поги́бнут, Ты же пребыва́еши, и вся, я́коже ри́за, обетша́ют, и, я́ко оде́жду, свие́ши их, и изменя́тся, Ты же то́йжде еси́, и ле́та Твоя́ не оскуде́ют. Кому́ же от А́нгел рече́ когда́: седи́ одесну́ю Мене́, до́ндеже положу́ враги́ Твоя́ подно́жие ног Твои́х. Не вси ли суть служе́бнии ду́си, в служе́ние посыла́еми за хотя́щих насле́довати спасе́ние? Сего́ ра́ди подоба́ет нам ли́шше внима́ти слы́шанным, да не когда́ отпа́днем. А́ще бо глаго́ланное А́нгелы сло́во бысть изве́стно и вся́ко преступле́ние и ослуша́ние, пра́ведное прия́т мздовоздая́ние. Ка́ко мы убежим, о толи́цем неради́вше спасе́нии, е́же зача́ло прие́мше, глаго́латися от Го́спода слы́шавшими в нас извести́ся?
Диа́кон: Прему́дрость, про́сти услы́шим свя́та́го Ева́нгелиа.
Иере́й: От Матфе́а свя́та́го Ева́нгелиа чте́ние. (зачало 3):
Иису́су ро́ждшуся в Вифлее́ме Иуде́йстем во дни И́рода царя́, се волсви́ от восто́к приидо́ша во Иерусали́м, глаго́люще: где есть рожде́йся Царь Иуде́йский? Ви́дехом бо звезду́ Его́ на восто́це и приидо́хом поклони́тися Ему́. Слы́шав же, И́род царь смути́ся, и весь Иерусали́м с ним. И собра́в вся первосвяще́нники и кни́жники людски́я, вопроша́ше от них: где Хри́стос ражда́ется? Они́ же реко́ша ему́: в Вифлее́ме Иуде́йстем; та́ко бо пи́сано есть проро́ком: и ты, Вифлее́ме, земле́ Иу́дова, ничи́мже ме́ньши еси́ во влады́ках Иу́довых, из тебе́ бо изы́дет Вождь, и́же упасе́т лю́ди Моя́ Изра́иля. Тогда́ И́род тай призва́ волхвы́ и испы́товаше от них вре́мя я́вльшияся звезды́. И, посла́в их в Вифлее́м, рече́: ше́дше, испыта́йте изве́стно о Отроча́ти; егда́ же обря́щете, возвести́те ми, я́ко да и аз, шед, поклоню́ся Ему́. Они́ же, послу́шавше царя́, идо́ша. И се́ звезда́, ю́же ви́деша на восто́це, идя́ше пред ни́ми, до́ндеже, прише́дше, ста верху́, иде́же бе Отроча́. Ви́девше же звезду́, возра́довашася ра́достию ве́лиею зело́. И, прише́дше в хра́мину, ви́деша Отроча́ с Мари́ею, Ма́терию Его́, и, па́дше, поклони́шася Ему́, и, отве́рзше сокро́вища своя́, принесо́ша Ему́ да́ры, зла́то, и лива́н, и сми́рну. И, весть прие́мше во сне, не возврати́тися ко И́роду, ины́м путе́м отыдо́ша во страну́ свою́.
Та́же: Ско́ро да предваря́т ны щедро́ты Твоя́, Го́споди, / я́ко обнища́хом зело́; / помози́ нам, Бо́же, Спа́се наш, / сла́вы ра́ди И́мене Твоего́, Го́споди, изба́ви нас / и очи́сти грехи́ на́ша, И́мене ра́ди Твоего́.
Посем Трисвятое, и по О́тче наш:
Конда́к, гла́с 3. Де́ва днесь Преве́чное Сло́во / в верте́пе гряде́т роди́ти неизрече́нно: / лику́й, вселе́нная, услы́шавши, / просла́ви со А́нгелы и па́стырьми / хотя́щаго яви́тися Отроча́ Мла́до, Преве́чнаго Бо́га.
Го́споди, поми́луй, 40.
И моли́тва: И́же на вся́кое вре́мя:
Го́споди, поми́луй (3).
Сла́ва, и ны́не:
Честне́йшую Херуви́м:
И́менем Госпо́дним благослови́, о́тче.
Иерей: Моли́твами святы́х оте́ц на́ших:
Посем молитва Великаго Василия: Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́ Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех озло́бити нас и́щущих ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша, да, к Тебе́ всегда́ взира́юще и е́же от Тебе́ све́том наставля́еми, Тебе́, непристу́пнаго и присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом ны́не, и при́сно, и во ве́ки веко́в, ами́нь.
Та́же ча́с девя́тый.
Прииди́те, поклони́мся: три́жды: и
Псалом 109: Рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие ног Твои́х. Жезл си́лы по́слет Ти Госпо́дь от Сио́на, и господству́й посреде́ враго́в Твои́х. С Тобо́ю нача́ло в день си́лы Твое́я, во све́тлостех святы́х Твои́х. Из чре́ва пре́жде Денни́цы роди́х Тя. Кля́тся Госпо́дь и не раска́ется, Ты Иере́й во век, по чи́ну Мелхиседе́кову. Госпо́дь одесну́ю Тебе́ сокруши́л есть в день гне́ва Своего́ цари́. Су́дит во язы́цех, испо́лнит паде́ния, сокруши́т главы́ на земли́ мно́гих. От пото́ка на пути́ пие́т, сего́ ра́ди вознесе́т главу́.
Псалом 110: Испове́мся Тебе́, Го́споди, всем се́рдцем мои́м в сове́те пра́вых и со́нме. Ве́лия дела́ Госпо́дня, изы́скана во всех во́лях Его́. Испове́дание и великоле́пие де́ло Его́, и пра́вда Его́ пребыва́ет в век ве́ка. Па́мять сотвори́л есть чуде́с Свои́х, ми́лостив и щедр Госпо́дь: пи́щу даде́ боя́щимся Его́, помяне́т в век заве́т Свой. Кре́пость дел Свои́х возвести́ лю́дем Свои́м, да́ти им достоя́ние язы́к. Дела́ рук Его́, и́стина и суд: ве́рны вся за́поведи Его́, утверже́ны в век ве́ка, сотворе́ны во и́стине и правоте́. Избавле́ние посла́ лю́дем Свои́м, запове́да в век заве́т Свой, свя́то и стра́шно И́мя Его́. Нача́ло прему́дрости – страх Госпо́день, ра́зум же благ всем творя́щим и. Хвала́ Его́ пребыва́ет в век ве́ка.
Псалом 85: Приклони́, Го́споди, у́хо Твое́ и услы́ши мя, я́ко нищ и убо́г есмь аз. Сохрани́ ду́шу мою́, я́ко преподо́бен есмь; спаси́ раба́ Твоего́, Бо́же мой, упова́ющаго на Тя. Поми́луй мя, Го́споди, я́ко к Тебе́ воззову́ весь день. Возвесели́ ду́шу раба́ Твоего́, я́ко к Тебе́ взях ду́шу мою́. Я́ко Ты, Го́споди, благ, и кро́ток, и многоми́лостив всем, призыва́ющим Тя. Внуши́, Го́споди, моли́тву мою́ и вонми́ гла́су моле́ния моего́. В день ско́рби моея́ воззва́х к Тебе́, я́ко услы́шал мя еси́. Несть подо́бен Тебе́ в бозе́х, Го́споди, и несть по дело́м Твои́м. Вси язы́цы, ели́ки сотвори́л еси́, прии́дут, и покло́нятся пред Тобо́ю, Го́споди, и просла́вят И́мя Твое́, я́ко ве́лий еси́ Ты и творя́й чудеса́, Ты еси́ Бог еди́н. Наста́ви мя, Го́споди, на путь Твой, и пойду́ во и́стине Твое́й: да возвесели́тся се́рдце мое́ боя́тися И́мене Твоего́. Испове́мся Тебе́, Го́споди Бо́же мой, всем се́рдцем мои́м и просла́влю И́мя Твое́ в век. Я́ко ми́лость Твоя́ ве́лия на мне, и изба́вил еси́ ду́шу мою́ от а́да преиспо́днейшаго. Бо́же, законопресту́пницы воста́ша на мя, и сонм держа́вных взыска́ша ду́шу мою́ и не предложи́ша Тебе́ пред собо́ю. И Ты, Го́споди Бо́же мой, ще́дрый и ми́лостивый, долготерпели́вый, и многоми́лостивый, и и́стинный, при́зри на мя и поми́луй мя, даждь держа́ву Твою́ о́троку Твоему́ и спаси́ сы́на рабы́ Твоея́. Сотвори́ со мно́ю зна́мение во бла́го, и да ви́дят ненави́дящии мя и постыдя́тся, я́ко Ты, Го́споди, помо́гл ми и уте́шил мя еси́.
Сла́ва, и ны́не. Аллилу́иа (3). Го́споди поми́луй (3).
Сла́ва, тропа́рь, гла́с 4:
Написова́шеся иногда́ со ста́рцем Ио́сифом, / я́ко от се́мене Дави́дова, в Вифлее́ме Мариа́м, / чревонося́щи безсе́менное Рожде́ние. / Наста́ же вре́мя Рождества́, / и ме́сто ни еди́ноже бе обита́лищу, / но, я́коже кра́сная пала́та, верте́п Цари́це показа́шеся. / Христо́с ражда́ется пре́жде па́дший воскреси́ти о́браз.
И ныне, Богородичен:
И́же нас ра́ди рожде́йся от Де́вы / и распя́тие претерпе́в, Благи́й, / испрове́ргий сме́ртию смерть и воскресе́ние явле́й я́ко Бог, / не пре́зри, я́же созда́л еси́ руко́ю Твое́ю. / Яви́ человеколю́бие Твое́, Ми́лостиве. / Приими́ ро́ждшую Тя Богоро́дицу, моля́щуюся за ны. / И спаси́, Спа́се наш, лю́ди отча́янныя.
Та́же тропари́ сия́, гла́с 7.
Удивля́шеся И́род, / зря волхво́в благоче́стие, / и, гне́вом побежда́емь, / ле́та испыта́ше разстоя́ния; / ма́тери безча́дствуемы быва́ху, / и безвре́менный во́зраст младе́нцев го́рце пожина́шеся, / сосцы́ ссыха́хуся, / и исто́чницы мле́чнии удержава́хуся, / ве́лие бя́ше лю́тое. / Те́мже благоче́стно, ве́рнии, соше́дшеся, / поклони́мся Христо́ву Рождеству́. Два́жды.
Та́же сти́х: Бо́г от ю́га прии́дет, и свя́ты́й из горы́ приосене́нныя ча́щи.
Тропа́рь, гла́с 2:
Егда́ Ио́сиф, Де́во, печа́лию уязвля́шеся, / к Вифлее́му идя́, вопия́ла еси́ к нему́: / что́ Мя зря непра́здну дря́хлуеши и смуща́ешися, / не ве́дый вся́ко е́же во Мне стра́шнаго та́инства? / Про́чее отложи́ страх всяк, пресла́вное познава́я: / Бог бо низхо́дит на зе́млю ми́лости ра́ди, / во чре́ве Мое́м ны́не а́ще и плоть прия́т. / Его́же, ражда́ема, у́зриши, я́коже благоизво́ли, / и, ра́дости испо́лнився, поклони́шися я́ко Зижди́телю твоему́, / Его́же А́нгели пою́т непреста́нно / и славосло́вят со Отце́м и Ду́хом Святы́м.
Сти́х: Го́споди, услы́шах слу́х тво́й, и убоя́хся: Го́споди, разуме́х дела́ твоя́, и ужасо́хся.
Па́ки то́йже тропа́рь.
Та́же ста́в посреде́ це́ркве канона́рх, прочита́ет велегла́сно всю́ стихи́ру сию́.
Гла́с 6: Днесь ражда́ется от Де́вы / руко́ю всю содержа́й тварь, / пелена́ми, я́коже зе́мен, повива́ется, / И́же существо́м неприкоснове́нен Бог. / В я́слех возлежи́т / утверди́вый Небеса́ сло́вом в нача́лех, / от сосце́в млеко́м пита́ется, / И́же в пусты́ни ма́нну одожди́вый лю́дем, / волхвы́ призыва́ет Жени́х церко́вный, / да́ры сих прие́млет Сын Де́вы. / Покланя́емся Рождеству́ Твоему́, Христе; / покланя́емся Рождеству́ Твоему́, Христе; / покланя́емся Рождеству́ Твоему́, Христе: / покажи́ нам и Боже́ственная Твоя́ Богоявле́ния.
И твори́м три́ покло́ны.
Пото́м чте́т диа́кон та́кожде велегла́сно сие́:
Вели́кому господи́ну и отцу́ на́шему свя́те́йшему патриа́рху моско́вскому и всея́ руси́ [ и свя́то-тро́ицкия се́ргиевы ла́вры свя́щенноархимантри́ту] (и́м\ркъ), свя́ще́нному сино́ду, преосвяще́нным митрополи́том, архиепи́скопом и епи́скопом, и господи́ну на́шему преосвяще́нному (и́м\рк, его́же е́сть о́бласть), настоя́телю свята́го хра́ма сего́ и всему́ освяще́нному собо́ру, Богохрани́мей стране́ на́шей, власте́м и во́инству ея́, мно́га ле́та.
Все́м правосла́вным Христиа́ном пода́ждь, Го́споди, тишину́ и благоде́нствие, и изоби́лие плодо́в земны́х, и мно́га ле́та.
А́ще ли в монастыре́:
Спаси́, Христе́ Бо́же, преподо́бнаго отца́ на́шего игу́мена (или́ архимандри́та), и́м\рк, е́же о Христе́ с бра́тиею, и святу́ю оби́тель сию́ в ми́ре сохрани́, и хра́м се́й свя́ты́й утверди́ во ве́ки веко́в. Ами́нь.
И пою́т три́жды: Спаси́, Христе́ Бо́же.
Ведомо же буди, яко сие многолетное поздравление в соборных церквах при рхиереех и инде, где прилично, творится в навечерии по отпусте святыя Литургии, или по вечерни, егда бывает навечерие в субботу и неделю; во обителех же во всех Типиках чин положен сему бывати на часех в сем месте.
Таже оба лика вкупе поют предреченную стихиру.
Сла́ва, и ны́не, гла́с з~:
Дне́сь ражда́ется от Де́вы, руко́ю всю́ содержа́й тва́рь, пелена́ми я́коже зе́мен повива́ется, и́же существо́м неприкоснове́нен Бо́г. в я́слех возлежи́т, утверди́вый Небе́са́ сло́вом в нача́лех: от сосце́в млеко́м пита́ется, и́же в пусты́ни ма́нну одожди́вый лю́дем: волхвы́ призыва́ет жени́х це́рко́вный, да́ры си́х прие́млет Сы́н Де́вы. покланя́емся рожде́ству́ твоему́, Христе́: покланя́емся рожде́ству́ твоему́, Христе́: покланя́емся рожде́ству́ твоему́, Христе́: покажи́ на́м и Боже́ственная твоя́ Богоявле́ния.
На девятом часе кадит диакон весь храм.
Ма́ти Сио́н рече́т: / Челове́к, и Челове́к роди́ся в нем.
Стих: Основа́ния Его́ на гора́х святы́х.
Отроча́ роди́ся нам, Сын, и даде́ся нам, Его́же нача́льство бысть на ра́ме Его; и нарица́ется И́мя Его́: вели́каго сове́та А́нгел, чу́ден Сове́тник, Бог Кре́пок, Власти́тель, Нача́льник ми́ра, Оте́ц бу́дущаго ве́ка, приведе́т бо мир на нача́льники, и здра́вие Его́, и ве́лие нача́льство Его́, и ми́ра Его́ несть преде́ла, на престо́л Дави́дов и на ца́рство Его́, испра́вити е и заступи́ти е судьбо́ю и пра́вдою от ны́не и до ве́ка. Ре́вность Го́спода Савао́фа сотвори́т сия́.
Бра́тие, святя́й и освяща́емии, от Еди́наго вси, ея́же ра́ди вины́ не стыди́тся бра́тию нарица́ти их, глаго́ля: возвещу́ И́мя Твое́ бра́тии Мое́й, посреде́ Це́ркве воспою́ Тя. И па́ки: Аз бу́ду наде́яся Нань. И па́ки: се Аз и де́ти, я́же Ми дал есть Бог. Поне́же у́бо де́ти приобщи́шася пло́ти и кро́ви, и Той прии́скренне приобщи́ся те́хже, да сме́ртию упраздни́т иму́щаго держа́ву сме́рти, си́речь диа́вола, и изба́вит сих, ели́цы стра́хом сме́рти чрез все житие́ пови́нни бе́ша рабо́те. Не от А́нгел у́бо когда́ прие́млет, но от се́мене Авраа́мова прие́млет; отню́дуже до́лжен бе по всему́ подо́битися бра́тии, да ми́лостив бу́дет и ве́рен первосвяще́нник в тех, я́же к Бо́гу, во е́же очи́стити грехи́ людски́я. В не́мже бо пострада́, Сам искуше́н быв, мо́жет и искуша́емым помощи́.
Отше́дшим волхво́м, се А́нгел Госпо́день во сне яви́ся Ио́сифу, глаго́ля: воста́в, поими́ Отроча́ и Ма́терь Его́, и бежи́ во Еги́пет, и бу́ди та́мо, до́ндеже реку́ ти: хо́щет бо И́род иска́ти Отроча́те, да погуби́т Е. Он же, воста́в, поя́т Отроча́ и Ма́терь Его́ но́щию и оты́де во Еги́пет. И бе та́мо до уме́ртвия И́родова, да сбу́дется рече́нное от Го́спода проро́ком, глаго́лющим: от Еги́пта воззва́х Сы́на Моего́. Тогда́ И́род, ви́дев, я́ко пору́ган бысть от волхво́в, разгне́вася зело́ и, посла́в, изби́ вся де́ти, су́щия в Вифлее́ме и во всех преде́лех его́, от двою́ ле́ту и нижа́йше по вре́мени, е́же изве́стно испыта́ от волхво́в. Тогда́ сбы́стся рече́нное Иереми́ем проро́ком, глаго́лющим: глас в Ра́ме слы́шан бысть, плачь, и рыда́ние, и вопль мног. Рахи́ль пла́чущися чад свои́х и не хотя́ше уте́шитися, я́ко не суть. Уме́ршу же И́роду, се А́нгел Госпо́день во сне яви́ся Ио́сифу во Еги́пте, глаго́ля: воста́в, поими́ Отроча́ и Ма́терь Его́ и иди́ в зе́млю Изра́илеву: изомро́ша бо и́щущии души́ Отроча́те. Он же, воста́в, поя́т Отроча́ и Ма́терь Его́ и прии́де в зе́млю Изра́илеву. Слы́шав же, я́ко Архела́й ца́рствует во Иуде́и вме́сто И́рода, отца́ своего́, убоя́ся та́мо ити́. Весть же прие́мь во сне, оты́де в преде́лы Галиле́йския. И, прише́д, всели́ся во гра́де, нарица́емем Назаре́т. Я́ко да сбу́дется рече́нное проро́ки, я́ко Назоре́й нарече́тся.
Посем Трисвятое, и по О́тче наш:
Де́ва днесь Преве́чное Сло́во / в верте́пе гряде́т роди́ти неизрече́нно: / лику́й, вселе́нная, услы́шавши, / просла́ви со А́нгелы и па́стырьми / хотя́щаго яви́тися Отроча́ Мла́до, Преве́чнаго Бо́га.
Го́споди, поми́луй, 40.
И молитва: И́же на вся́кое вре́мя:
Го́споди, поми́луй (3).
Сла́ва, и ны́не:
Честне́йшую Херуви́м:
И́менем Госпо́дним благослови́, о́тче.
Иерей: Моли́твами святы́х оте́ц на́ших:
Влады́ко Го́споди, Иису́се Христе́, Бо́же наш, долготерпе́вый о на́ших согреше́ниих и да́же до ны́нешняго часа́ приведы́й нас, в о́ньже, на Животворя́щем Дре́ве ви́ся, благоразу́мному разбо́йнику и́же в рай путесотвори́л еси́ вход и сме́ртию смерть разруши́л еси́: очи́сти нас, гре́шных и недосто́йных раб Твои́х, согреши́хом бо и беззако́нновахом и не́смы досто́йни возвести́ очеса́ на́ша и воззре́ти на высоту́ Небе́сную, зане́ оста́вихом путь пра́вды Твоея́ и ходи́хом в во́лях серде́ц на́ших. Но мо́лим Твою́ безме́рную бла́гость: пощади́ нас, Го́споди, по мно́жеству ми́лости Твоея́, и спаси́ нас И́мене Твоего́ ра́ди свята́го, я́ко исчезо́ша в суете́ дни́е на́ши, изми́ нас из руки́ сопроти́внаго, и оста́ви нам грехи́ на́ша, и умертви́ плотско́е на́ше мудрова́ние, да, ве́тхаго отложи́вше челове́ка, в но́ваго облеце́мся и Тебе́ поживе́м, на́шему Влады́це и Благоде́телю. И та́ко, Твои́м после́дующе повеле́нием, в ве́чный поко́й дости́гнем, иде́же есть всех веселя́щихся жили́ще. Ты бо еси́ вои́стинну и́стинное весе́лие и ра́дость лю́бящих Тя, Христе́ Бо́же наш, и Тебе́ сла́ву возсыла́ем со Безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в, ами́нь.
Изобразительные
По церковному обычаю, во время чтения изобразительных иерей с диаконом на амвоне читают входные молитвы перед совершением Литургии, испрашивают прощение друг у друга, у народа и затем, облачившись во все священные одежды в алтаре, начинают проскомидию. Впрочем, если священник служит один, то входные молитвы и проскомидию он может совершить и перед царскими часами.
Посем псалом 102: Благослови́, душе́ моя́, Го́спода, и вся вну́тренняя моя́ И́мя свято́е Его́. Благослови́, душе́ моя́, Го́спода и не забыва́й всех воздая́ний Его́. Очища́ющаго вся беззако́ния твоя́, исцеля́ющаго вся неду́ги твоя́. Избавля́ющаго от истле́ния живо́т твой, венча́ющаго тя ми́лостию и щедро́тами. Исполня́ющаго во благи́х жела́ние твое́, обнови́тся, я́ко о́рля, ю́ность твоя́. Творя́й ми́лостыни Госпо́дь и судьбу́ всем обиди́мым. Сказа́ пути́ Своя́ Моисе́ови, сыново́м Изра́илевым хоте́ния Своя́. Щедр и ми́лостив Госпо́дь, долготерпели́в и многоми́лостив. Не до конца́ прогне́вается, ниже́ в век вражду́ет. Не по беззако́нием на́шим сотвори́л есть нам, ниже́ по грехо́м на́шим возда́л есть нам. Я́ко по высоте́ Небе́сней от земли́, утверди́л есть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил есть от нас беззако́ния на́ша. Я́коже ще́дрит оте́ц сы́ны, уще́дри Госпо́дь боя́щихся Его́. Я́ко Той позна́ созда́ние на́ше, помяну́, я́ко персть, есмы́. Челове́к, я́ко трава́, дни́е его́, я́ко цвет се́льный, та́ко оцвете́т. Я́ко дух про́йде в нем, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́. И пра́вда Его́ на сыне́х сыно́в, храня́щих заве́т Его́ и по́мнящих за́поведи Его́ твори́ти я́. Госпо́дь на Небеси́ угото́ва престо́л Свой, и Ца́рство Его́ все́ми облада́ет. Благослови́те Го́спода, вси А́нгели Его́, си́льнии кре́постию, творя́щии сло́во Его́, услы́шати глас слове́с Его́. Благослови́те Го́спода, вся си́лы Его́, слуги́ Его́, творя́щии во́лю Его́. Благослови́те Го́спода, вся дела́ Его́, на вся́ком ме́сте Влады́чества Его́; благослови́, душе́ моя́, Го́спода.
Сла́ва Отцу́, и Сы́ну, и свя́то́му Ду́ху.
Псало́м 145. Хвали́, душе́ моя́, Го́спода, восхвалю́ Го́спода в животе́ мое́м. Пою́ Бо́гу моему́, до́ндеже есмь. Не наде́йтеся на кня́зи, на сы́ны челове́ческия, в ни́хже несть спасе́ния. Изы́дет дух его́ и возврати́тся в зе́млю свою́, в той день поги́бнут вся помышле́ния Его. Блаже́н, ему́же Бог Иа́ковль помо́щник его́, упова́ние его́ на Го́спода Бо́га своего́, сотво́ршаго Не́бо и зе́млю, мо́ре и вся, я́же в них, храня́щаго и́стину в век, творя́щаго суд оби́димым, даю́щаго пи́щу а́лчущим. Госпо́дь реши́т окова́нныя, Госпо́дь умудря́ет слепцы́, Госпо́дь возво́дит низве́рженныя, Госпо́дь лю́бит пра́ведники, Госпо́дь храни́т прише́льцы, си́ра и вдову́ прии́мет и путь гре́шных погуби́т. Воцари́тся Госпо́дь во век, Бог Твой, Сио́не, в род и род.
И ны́не, и при́сно, и во ве́ки веко́в, ами́нь.
Единоро́дный Сы́не и Сло́ве Бо́жий, Безсме́ртен Сый / и изво́ливый спасе́ния на́шего ра́ди / воплоти́тися от Святы́я Богоро́дицы и Присноде́вы Мари́и, / непрело́жно вочелове́чивыйся, / распны́йся же, Христе́ Бо́же, / сме́ртию смерть попра́вый, / Еди́н Сый Святы́я Тро́ицы, / спрославля́емый Отцу́ и Свято́му Ду́ху, / спаси́ нас.
Та́же:
Во Ца́рствии Твое́м помяни́ нас, Го́споди, егда́ прии́деши, во Ца́рствии Твое́м.
Блаже́ни ни́щии ду́хом, я́ко тех есть Ца́рство Небе́сное.
Блаже́ни пла́чущии, я́ко ти́и уте́шатся.
Блаже́ни кро́тции, я́ко ти́и насле́дят зе́млю.
Блаже́ни а́лчущии и жа́ждущии пра́вды, я́ко ти́и насы́тятся.
Блаже́ни ми́лостивии, я́ко ти́и поми́ловани бу́дут.
Блаже́ни чи́стии се́рдцем, я́ко ти́и Бо́га у́зрят.
Блаже́ни миротво́рцы, я́ко ти́и сы́нове Бо́жии нареку́тся.
Блаже́ни изгна́ни пра́вды ра́ди, я́ко тех есть Ца́рство Небе́сное.
Блаже́ни есте́, егда́ поно́сят вам, и изжену́т, и реку́т всяк зол глаго́л на вы, лжу́ще Мене́ ра́ди.
Ра́дуйтеся и весели́теся, я́ко мзда ва́ша мно́га на Небесе́х.
Не глаголем же на блаженнах песней, яже в Минеи, ни Апостола, ни Евангелия.
Сла́ва, и ны́не:
Помяни́ нас, Го́споди, егда́ прии́деши, во Ца́рствии Твое́м.
Помяни́ нас, Влады́ко, егда́ прии́деши, во Ца́рствии Твое́м.
Помяни́ нас, Святы́й, егда́ прии́деши, во Ца́рствии Твое́м.
Лик Небе́сный пое́т Тя и глаго́лет: Свят, Свят, Свят Госпо́дь Савао́ф, испо́лнь Не́бо и земля́ сла́вы Твоея́.
Приступи́те к Нему́ и просвети́теся, и ли́ца ва́ша не постыдя́тся.
Лик Небе́сный пое́т Тя и глаго́лет: Свят, Свят, Свят Госпо́дь Савао́ф, испо́лнь Не́бо и земля́ сла́вы Твоея́.
Сла́ва:
Лик святы́х А́нгел и Арха́нгел / со все́ми Небе́сными си́лами пое́т Тя и глаго́лет: / Свят, Свят, Свят Госпо́дь Савао́ф, / испо́лнь Не́бо и земля́ сла́вы Твоея́.
И ны́не:
Испове́дание правосла́вныя ве́ры, пе́рваго собо́ра.
Аще есть Литургия, зде не глаголем, но по И ныне, глаголем: Ослаби, остави: и прочая.
Та́же моли́тва: Осла́би, оста́ви, прости́, Бо́же, прегреше́ния на́ша, во́льная и нево́льная, / я́же в сло́ве и в де́ле, / я́же в ве́дении и не в ве́дении, / я́же во дни и в нощи́, / я́же во уме́ и в помышле́нии, / вся нам прости́, я́ко Благ и Человеколю́бец.
И по О́тче на́ш:
Конда́к, гла́с 3: Де́ва днесь Преве́чное Сло́во / в верте́пе гряде́т роди́ти неизрече́нно: / лику́й, вселе́нная, услы́шавши, / просла́ви со А́нгелы и па́стырьми / хотя́щаго яви́тися Отроча́ Мла́до, Преве́чнаго Бо́га.
Го́споди, поми́луй, 40.
Та́же моли́тву сию́: Всесвята́я Тро́ице, Единосу́щная Держа́во, Неразде́льное Ца́рство, всех благи́х Вина́: благоволи́ же и о мне, гре́шнем, утверди́, вразуми́ се́рдце мое́ и всю мою́ отыми́ скве́рну. Просвети́ мою́ мысль, да вы́ну сла́влю, пою́, и покланя́юся, и глаго́лю: Еди́н Свят, Еди́н Госпо́дь, Иису́с Христо́с во сла́ву Бо́га Отца́, ами́нь.
Та́же, Досто́йно е́сть:
И отпуст дне. И бывает росход до часа вечерняго. Вечерня же бывает с Литургиею Василия Великаго во свое время. Псалом же,
Псало́м же, Благословлю́ Го́спода: Глаго́лем на литурги́и по заамво́нной моли́тве.
А́ще же не́сть литурги́и. Глаго́лем зде́:
Бу́ди И́мя Госпо́дне благослове́но от ны́не и до ве́ка. Три́жды.
Сла́ва, и ны́не:
Псало́м 33: Благословлю́ Го́спода на вся́кое вре́мя, вы́ну хвала́ Его́ во усте́х мои́х. О Го́споде похва́лится душа́ моя́, да услы́шат кро́тции и возвеселя́тся. Возвели́чите Го́спода со мно́ю, и вознесе́м И́мя Его́ вку́пе. Взыска́х Го́спода, и услы́ша мя и от всех скорбе́й мои́х изба́ви мя. Приступи́те к Нему́ и просвети́теся, и ли́ца ва́ша не постыдя́тся. Сей ни́щий воззва́, и Госпо́дь услы́ша и, и от всех скорбе́й его́ спасе́ и. Ополчи́тся А́нгел Госпо́день о́крест боя́щихся Его́ и изба́вит их. Вкуси́те и ви́дите, я́ко благ Госпо́дь. Блаже́н муж, и́же упова́ет Нань. Бо́йтеся Го́спода вси святи́и Его́, я́ко несть лише́ния боя́щимся Его́. Бо́га́тии обнища́ша и взалка́ша, взыска́ющии же Го́спода не лиша́тся вся́каго бла́га. Прииди́те, ча́да, послу́шайте мене́, стра́ху Госпо́дню научу́ вас. Кто есть челове́к, хотя́й живо́т, любя́й дни ви́дети бла́ги? Удержи́ язы́к твой от зла и устне́ твои́, е́же не глаго́лати льсти. Уклони́ся от зла и сотвори́ бла́го; взыщи́ ми́ра и пожени́ и. О́чи Госпо́дни на пра́ведныя и у́ши Его́ в моли́тву их. Лице́ же Госпо́дне на творя́щия зла́я, е́же потреби́ти от земли́ па́мять их. Воззва́ша пра́веднии, и Госпо́дь услы́ша их и от всех скорбе́й их изба́ви их. Близ Госпо́дь сокруше́нных се́рдцем, и смире́нныя ду́хом спасе́т. Мно́ги ско́рби пра́ведным, и от всех их изба́вит я́ Госпо́дь. Храни́т Госпо́дь вся ко́сти их, ни еди́на от них сокруши́тся. Смерть гре́шников люта́, и ненави́дящии пра́веднаго прегреша́т. Изба́вит Госпо́дь ду́ши раб Свои́х, и не прегреша́т вси, упова́ющии на Него́.
Досто́йно е́сть: И отпу́ст.
Подобает ведати: Аще в субботу или в неделю будет навечерие, Литургия Златоустова поется. Великаго же Василия Литургия поется на самый праздник. Такожде творим и на праздник святых Богоявлений. Блюди, яко егда несть субботы или недели в навечерие, тогда бывает Литургия Василия Великаго, а в день праздника Литургия Златоустова бывает. Сице же и в праздник Богоявления.
Разумно же буди и о сем, яко от Христова Рождества и до святых Богоявлений никакоже пост, ни коленопоклонения бывают, ниже в церкви, ниже в келлиах.
Ведомо же буди: Аще случится Рождество Христово или Богоявление в неделю, воскресно ничтоже поем.
Прииди́те, возра́дуемся Го́сподеви, настоя́щую та́йну сказу́юще: / средосте́ние граде́жа разруши́ся, / пла́менное oру́жие плещи́ дае́т, / и Херуви́м отступа́ет от дре́ва жи́зни, / и аз ра́йския пи́щи причаща́юся, / от него́же произгна́н бых преслуша́ния ра́ди; / неизме́нный бо о́браз Oте́чь, / о́браз присносу́щия Eго́, / зрак раба́ прие́млет, / от Неискусобра́чныя Ма́тере проше́д, / не преложе́ние претерпе́в, / éже бо бе пребы́сть, Бог Сый и́стинен, / и éже не бе прия́т, Челове́к быв человеколю́бия ра́ди. / Тому́ возопии́м: / рожде́йся от Де́вы Бо́же, поми́луй нас. (2)
Анатолиево: Го́споду Иису́су ро́ждшуся от Святы́я Де́вы, / просвети́шася вся́чeская: / па́стырeм бо свиря́ющим и волхво́м покланя́ющимся, / А́нгелом воспева́ющим, И́род мятя́шеся, / я́ко Бог во пло́ти яви́ся, / Спас душ на́ших. (2)
Ца́рство Твое́, Христе́ Бо́же, / Ца́рство всех веко́в, / и Влады́чество Твое́ во вся́ком ро́де и ро́де, / воплоти́выйся от Ду́ха Свята́го / и от Присноде́вы Мари́и вочелове́чивыйся, / свет нам возсия́, Христе́ Бо́же, / Твое́ прише́ствие; / Свет от Све́та, Óтчее сия́ние, / всю тварь просвети́л eси́, / вся́кое дыха́ние хва́лит Тя. / О́браз сла́вы Óтчия, / Сый, и пре́жде Сый, / и возсия́вый от Де́вы, Бо́же, поми́луй нас. (2)
Что́ Тебе́ принесе́м, Христе́, / я́ко яви́лся eси́ на земли́ / я́ко Челове́к нас ра́ди? / Ка́яждо бо от Тебе́ бы́вших тва́рей благодаре́ние Тебе́ прино́сит: / А́нгели – пе́ние; небеса́ – звезду́; / волсви́ – да́ры; па́стырие – чу́до; / земля́ – верте́п; пусты́ня – я́сли; / мы же – Ма́терь Де́ву. / И́же пре́жде век, Бо́же, поми́луй нас. (2)
Слава, и ныне, глас тойже. Кассиино:
А́вгусту eдинонача́льствующу на земли́, / многонача́лие челове́ков преста́; / и Тебе́ вочелове́чшуся от Чи́стыя, / многобо́жие и́долов упраздни́ся, / под eди́нем ца́рством мирски́м гра́ди бы́ша, / и во Eди́но Влады́чество Божества́ язы́цы ве́роваша. / Написа́шася лю́дие повеле́нием ке́саревым, / написа́хомся, ве́рнии, И́менем Божества́, / Тебе́, вочелове́чшагося Бо́га на́шего. / Ве́лия Твоя́ ми́лость, Го́споди, сла́ва Тебе́.
Вход со Евангелием. Све́те Ти́хий: Прокимен дне. И чтения по чину их, с тропари и со стихи их.
Аще прилучится навечерие Рождества Христова в пяток, прокимен поется: Кто Бог ве́лий, я́ко Бог наш: со стихи своими. Дневный же оставляется.
В нача́ле сотвори́ Бог Не́бо и зе́млю. Земля́ же бе неви́дима и неустро́ена, и тьма верху́ бе́здны, и Дух Бо́жий ноша́шеся верху́ воды́. И рече́ Бог: да бу́дет свет. И бысть свет. И ви́де Бог свет, я́ко добро́; и разлучи́ Бог между́ све́том и между́ тьмо́ю. И нарече́ Бог свет день, и тьму нарече́ нощь. И бысть ве́чер, и бысть у́тро, день еди́н. И рече́ Бог: да бу́дет твердь посреде́ воды́, и да бу́дет разлуча́ющи посреде́ воды́ и воды́. И бысть та́ко. И сотвори́ Бог твердь; и разлучи́ Бог между́ водо́ю, я́же бе под тве́рдию, и между́ водо́ю, я́же бе над тве́рдию. И нарече́ Бог твердь не́бо; и ви́де Бог, я́ко добро́. И бысть ве́чер, и бысть у́тро, день вторы́й. И рече́ Бог: да собере́тся вода́, я́же под небесе́м, в собра́ние еди́но, и да яви́тся су́ша. И бысть та́ко. И собра́ся вода́, я́же под небесе́м, в собра́ния своя́, и яви́ся су́ша. И нарече́ Бог су́шу зе́млю и собра́ния вод нарече́ моря́. И ви́де Бог, я́ко добро́. И рече́ Бог: да прорасти́т земля́ бы́лие травно́е, се́ющее се́мя по ро́ду и по подо́бию, и дре́во плодови́тое, творя́щее плод, ему́же се́мя его́ в нем, по ро́ду на земли́. И бысть та́ко. И изнесе́ земля́ бы́лие травно́е, се́ющее по ро́ду и по подо́бию, и дре́во плодови́тое, творя́щее плод, ему́же се́мя его́ в нем по ро́ду на земли́. И ви́де Бог, я́ко добро́. И бысть ве́чер, и бысть у́тро, день тре́тий.
Первые строки книги Бытия переносят нас к первым дням творения. «В начале сотвори Бог небо и землю». Здесь речь о всей вселенной, а не только о нашей солнечной системе. Интересна такая деталь: в еврейском тексте книги Бытия слово «Бог» во множественном числе. Можно думать, что этим подчеркивается участие всей Св. Троицы в создании мира. Мира видимого и невидимого, мира материального и духовного. Первоначальное состояние всего сотворенного – мрак и неустроенность. Над этим океаном еще не сформировавшихся систем прозвучали творческие слова: «да будет...». Пусть теперь называется это импульсом, суть не меняется. Одного мгновения воли Творца достаточно, чтобы возникло самое необходимое для жизни: забрезжил свет. Еще не солнечный, но свет. Первое движение в этом творческом акте – радость творения («и виде Бог свет, яко добро»). Естественно, свет организовал смену дня и ночи. И по твердым законам природы, которые Бог положил в основание всего мироздания, организовалась вся жизнь. Здесь «твердь» надо понимать не только как что-то из сотворенного в материальном мире, но и непреложность, неизменяемость законов. Сначала создается стройный порядок движения всех галактик, потом уже и органическая жизнь на земле. Этим и завершается третий день творения.
Почему в навечерие Рождества Христова вспоминает об этом Церковь? Потому что с момента Рождества Христова весь мир в духовном отношении как бы воссоздается. Светает во мраке греховном. Восходит заря освобождения от рабства греху, проклятию и смерти.
Чисел чте́ние (глава 24):
Бысть Дух Бо́жий на Валаа́ме и, восприе́м при́тчи своя́, рече́: коль добри́ до́ми твои́, Иа́кове, и ски́ния твоя́, Изра́илю? Я́ко страны́ осеня́ющия, я́ко са́дие при река́х, и я́ко ски́ния, я́же водрузи́ Госпо́дь, и я́ко ке́дри при вода́х. Изы́дет челове́к от се́мене его́, и облада́ет язы́ки мно́гими, и возвы́сится ца́рство его́, и возрасте́т. Бог наста́вит его́ из Еги́пта, я́ко сла́ву единоро́га его́. Поя́ст язы́ки враг свои́х, и то́лщу их изможди́т, и стрела́ми свои́ми устрели́т врага́. Возле́г, почи́, я́ко лев и я́ко ски́мен, кто возста́вит его́? Благословя́щии Тя благослове́ни, и проклина́ющии Тя про́кляти. Возсия́ет звезда́ от Иа́кова, и воста́нет челове́к от Изра́иля, и ссече́т кня́зи Моави́тския, и плени́т вся сы́ны Си́фовы, и бу́дет Едо́м достоя́ние, и бу́дет насле́дие Иса́в враг его́, и Изра́иль сотвори́ кре́пость.
В словах второй паремии мы слышим благословение Валаама и пророчество о звезде от Иакова.
В конце 40-го года своего странствия по Аравийской пустыне израильтяне достигли Моавитских владений на восточном берегу Мертвого моря. На пути в Палестину они встретили владения Сигона, царя аморрейского, которого просили пропустить их, обещая мирно пройти, никого не обижая. Тот не поверил им и встретил как врагов. Израильтяне отнеслись к такой встрече как к началу столкновения и ринулись в битву. Одолев царя аморрейского, они овладели всем его царством. Так же было и с Огом, царем васанским. Подошли израильтяне и к Иерихону и расположились лагерем вокруг укрепленного города. Победы их страшили моавитян, хотя иудеи не грозили им. Царь моавитян Валак, не желая опасного соседства, послал своих людей в Месопотамию к знаменитому тогда прорицателю Валааму. Он просил его прийти, чтобы проклясть Израиль. Зачем нужно было Валаку это? Чтобы проклятие привело к гибели Израиля, тогда не надо будет постоянно тревожиться при виде воинственно настроенных соседей. Как же Валаам мог быть пророком, если он жил не среди избранного народа? Он жил там, где когда-то жил Авраам, потом Иаков и часть потомков патриарха. Среди них хранилось понятие об истинном Боге, и он мог это знать. Приглашение Валака обещало ему дары, и он не устоял перед таким соблазном. Прибыв к Валаку, он приказал устроить семь жертвенников, чтобы принести сначала жертву Богу, потом изречь проклятие Израилю. Благословив Бога, Валаам не смог тут же извергать проклятия. Он почувствовал, что им движет сила, которой он не может противиться, он только орудие этой силы. Он говорил притчами, не всегда всем ясными, но пророческий смысл сказанного улавливался всеми. Валаам, глядя с горы на стан израильтян, сказал, что хороши дома и кущи израильтян. Чем хороши потрепанные за долгие годы странствий палатки кочевников?
Почему он сравнивает их с дубравами, цветущими садами, кедрами, растущими около источников вод? Потому что он предчувствовал скорее, чем ясно видел, самое ценное в стане этих племен – присутствие Господа (в скинии свидения). Радость этого присутствия можно выразить лишь самыми желанными сравнениями и образами. В речи Валаама все видели не проклятие, а благословение народу, который в будущем еще даст миру Владыку всех. Слова о Том, Кто будет обладать всеми, одни воспринимали как пророчество о грядущем властелине вселенной, другие – как предзнаменование своего порабощения. Между тем одни образы красоты и силы Израиля сменялись другими. Его сравнивали с единорогом (носорогом), о котором древние знали, что это животное может ломать деревья, разбрасывать камни, ударить рогом так, что любой слон или лев погибнет. Ему не страшны стрелы и зубы тигра. Если Израилю Бог даст такую силу, то, конечно, все его враги будут истреблены, и он поселится в земле обетованной... Так и случилось в царствование Соломона. Народ мог наслаждаться миром, а для соседей был страшен, как спящий лев, или даже львенок, которого нельзя безнаказанно беспокоить. Валаам говорил слова, которые когда-то услышал Авраам от Господа: «благословящие тя благословени...». Этим он дал понять Валаку, что народ Божий проклинать нельзя, этим навлечешь на себя гнев Божий. Валак был очень недоволен поведением Валаама и велел ему убираться домой. Пророк сказал, что уйдет, но он должен прежде сказать о том, что видит вдали веков: от Иакова воссияет Звезда, то есть в Израиле будет такой могущественный Царь, который победит князей Моавитских, одолеет Едом (т. е. потомков Исава, старшего брата Иакова, враждовавших с Израилем), пленит всех сынов Сифовых (т. е. весь род человеческий, так как через Сифа, точнее от Ноя, его потомка, земля снова стала обитаема после потопа). Исторически это пророчество можно было бы отнести к царю Давиду, который 2/3 части моавитян истребил, а последнюю треть обратил в рабов, но основной смысл пророчества не во внешних победах одного народа над другим, а духовное превосходство христианства над язычеством.
Звезда от Иакова – это прообраз Христа, соединившего в Себе сияние славы Отчей и духовной власти над миром. Поэтому пророчество Валаама читается в праздник Рождества, когда Церковь празднует исполнение этого. Многие отцы Церкви слово о звезде относят к явлению звезды над Вифлеемом. Они говорят, что волхвы знали древние пророчества, и в явлении чудесной Вифлеемской звезды увидели указание на явление в мир Мессии, Избавителя. Все-таки вернее в словах Валаама видеть указание на Самого Мессию, явление Которого в мир будет путеводной звездой для ищущих Царства Небесного. Звезда же Вифлеема – лишь видимый отблеск Его грядущей славы и радости всех верных Ему.
Во днех о́нех глаго́лет Госпо́дь: соберу́ сокруше́нную и отринове́нную прииму́, я́же отри́нух. И положу́ сотре́нную во оста́нок и отринове́нную в язы́к кре́пок, и воцари́тся Госпо́дь над ни́ми в горе́ Сио́нстей от ны́не и во ве́ки. И ты, Вифлее́ме, до́ме Евфра́фов, еда́ мал еси́, е́же бы́ти в ты́сящах Иу́довых. Из тебе́ бо Мне изы́дет Старе́йшина, е́же бы́ти в Кня́зя во Изра́или́; и исхо́ди Его́ из нача́ла, от дней ве́ка. Сего́ ра́ди даст я́, до вре́мене ражда́ющия породи́т, и про́чии от бра́тий Его́ обратя́тся к сыно́м Изра́илевым. И ста́нет, и у́зрит, и упасе́т па́ству Свою́ кре́постию Госпо́дь. И в сла́ве И́мене Го́спода Бо́га своего́ пребу́дут, за́не ны́не возвели́чится да́же до коне́ц земли́.
Паремия посвящена пророчеству Михея о рождении Христа в городе Вифлееме.
Вифлеем, один из древнейших городов, был родиной Давида. Располагался он в 10 верстах к югу от Иерусалима. Первоначально он назывался домом Ефрафы, так как одним из родоначальников жителей этого города был Ефрафа, правнук Иуды (1 Пар. IV, 1 – 4). Город этот был незначительным по количеству жителей, но именно в нем надлежало родиться Спасителю, Мессии. Его ждали не просто как царя, царствующего над Своим народом, но как Избавителя, Который объединит тех, кто мечтает не о земном владычестве, а способен увидеть в Нем посланника Божия, Которому дано Царство над всеми народами. То, что Он родится на древней земле царя Давида, – особая радость для всех, ожидающих Его явления. Все уверовавшие будут единым стадом, у которого один Пастырь. Он будет стоять на страже, зорко следя за тем,
чтобы никто не потерялся, не отстал, не заблудился. Он будет беречь и защищать Свою паству, поэтому для верных Ему будет радостью жить с Ним, разделять Его славу и величие. Он в конце концов одолеет всякое сопротивление и будет сиять «даже до конец земли».
Рождение Спасителя пророк предсказал за 700 лет, чтобы люди жили надеждой. Это пророчество читается и на первом часе, и на вечерне, где присоединяется еще несколько строк о милости к «дщери Сионовой», то есть ко всему израильскому народу. За неверность Богу этот народ будет разбросан, как разбрасывает ветер поломанные ветви, но впоследствии Господь пожалеет их (если смирится народ и покается), сохранит остаток верных. Но это относится не к одним иудеям, а ко всем уверовавшим. Вера во Христа дает права избранного народа всем, и потому говорится о новом Израиле, то есть о Церкви Христовой. «Остаток», то есть духовные наследники верных Христу израильтян вместе с уверовавшими в Христа народами составят Церковь, которую не одолеют врата ада, так как сохранять и беречь ее будет Сам Христос.
Та́йно роди́лся еси́ в верте́пе, / но Не́бо Тя всем пропове́да, / я́коже уста́, звезду́ предлага́я, Спа́се, / и волхвы́ Ти приведе́, ве́рою покланя́ющияся Тебе́; / с ни́миже поми́луй нас.
Стих 1: Основа́ния Его́ на гора́х святы́х, / лю́бит Госпо́дь врата́ Сио́ня па́че всех селе́ний Иа́ковлих, / пресла́вная глаго́лашася о Тебе́, гра́де Бо́жий. / Помяну́ Ра́ав и Вавило́на, ве́дущим мя.
И поем конец: И волхвы́ Ти приведе́, ве́рою покланя́ющияся Тебе́; / с ни́миже поми́луй нас.
Стих 2: И се иноплеме́нницы, и Тир, и лю́дие Ефио́пстии, / си́и бы́ша та́мо. / Ма́ти Сио́н рече́т: / Челове́к и Челове́к роди́ся в нем, / и Той основа́ и Вы́шний.
И паки: И волхвы́ Ти приведе́, ве́рою покланя́ющияся Тебе́; / с ни́миже поми́луй нас.
Стих 3: Госпо́дь пове́сть в писа́нии люде́й / и князе́й сих, бы́вших в нем, / я́ко веселя́щихся всех жили́ще в Тебе́.
И паки: И волхвы́ Ти приведе́, ве́рою покланя́ющияся Тебе́; / с ни́миже поми́луй нас.
Таже, Сла́ва: поет лик правый конец тропаря. И ны́не: левый поет такожде конец. Посем глаголет чтец весь тропарь. И поет сам конец его:
Та́йно роди́лся еси́ в верте́пе, / но Не́бо Тя всем пропове́да, / я́коже уста́, звезду́ предлага́я, Спа́се, / и волхвы́ Ти приведе́, ве́рою покланя́ющияся Тебе́; / с ни́миже поми́луй нас.
Та́ко глаго́лет Госпо́дь: изы́дет Жезл от ко́рене Иессе́ова, и Цвет от ко́рене его́ взы́дет, и почи́ет на Нем Дух Бо́жий, Дух му́дрости и ра́зума, Дух сове́та и кре́пости, Дух ве́дения и благоче́стия, Дух стра́ха Бо́жия испо́лнит Его́. Не по сла́ве су́дит, ниже́ по глаго́ланию обличи́т, но су́дит пра́вдою смире́нных суд, и обличи́т пра́востию сла́вныя земли́, и порази́т зе́млю сло́вом уст Свои́х, и Ду́хом усте́н убие́т нечести́ваго. И бу́дет
пра́вдою препоя́сан по чре́слех Свои́х и и́стиною обви́т по ре́бром Свои́м. Тогда́ пожиру́ет волк со а́гнцем, и рысь почи́ет с ко́злищем, и теле́ц, и лев, и юне́ц вку́пе пожиру́ют, и отроча́ ма́ло поведе́т их. Теле́ц и лев вку́пе пасу́тся, и вку́пе ча́да их бу́дут; и лев, я́ко вол, снесть пле́вы. И отроча́ мла́до на пеще́ру а́спидску и на ло́же пле́мене а́спидска ру́ку возложи́т. И не сотворя́т зла, ниже́ и́мут погуби́ти ни еди́наго же на горе́ святе́й Мое́й, зане́же напо́лнися вся земля́ позна́ти Го́спода, я́ко воде́ мно́зе покры́ти моря́. И бу́дет в день он ко́рень Иессе́ев и возстая́й владе́ти язы́ки; на него́ язы́цы упова́ют, и бу́дет поко́й его́ честь.
Слова пророка Исаии о Мессии как о жезле из корня Иессеева составляют четвертую паремию.
Иессей был простым гражданином Вифлеема. Давид, его сын, стал царем. Впоследствии все цари были из рода Давида до плена Вавилонского. После плена опустел престол Давида. От великого царственного древа остался один корень. Но Давиду было открыто Богом, что престол его не уничтожится, что из его рода будет великий потомок, который не только обновит славу рода, но, самое главное, обновит и оживотворит все человечество. Этот отросток от древнего корня, или отрасль корня Иессеева – Христос Спаситель. Родился Он во время крайнего оскудения этого рода. Бедность, беззащитность, отсутствие даже самых необходимых средств к жизни привели к тому, что потомку царя не было места среди людей и для новорожденного пришлось искать место в загоне для скота. Однако именно Ему предстояло совершить величайший переворот в судьбе человечества. Для этого Ему нужна сила от Бога, как никому другому. Потому мы слышим, что Исаия говорит о даровании Ему Духа Божия, Который и будет всегда с Ним. Выразится это прежде всего в даровании премудрости и разума. Казалось бы, эти понятия очень близки, однако в премудрости пророк видит высшую степень восприятия Истины, а в разуме – способность это познание применить на деле. Нужен еще и дух совета, чтобы безошибочно поступать так, как надо. Нужна и крепость, чтобы решение приводить в исполнение. Необходимо ведение, чтобы истинным было богопочитание и благочестие вытекало из него. Все необходимые духовные дарования Христу как человеку завершаются и венчаются страхом Божиим. Им только и держатся все остальные. Без него невозможно благоговение, смирение, богопочитание. Сам Он будет судить не по славе, то есть не считаясь с общественным положением или мнением других о человеке, но по сердцу каждого, которое открыто Богу. Суд Божий справедлив и беспристрастен. Окончание этой паремии рисует нам блаженство райское, которое возможно лишь среди верных Богу, когда мир и любовь будут царствовать в обществе христиан, и не будет страха перед насилием и коварством. Буквально оно исполнится лишь тогда, когда Господь «духом уст... убьет нечестивого», то есть антихриста. Верные Господу будут «на горе святей Моей», преодолев все слабости и пороки, беззлобны, бесхитростны, просты, чисты, искренны, послушны единому пастыреначальнику – Христу. Почему святость и блаженство неотделимы от горы? «Гора святая» – это Церковь. В древности гора Сион и венчающий ее храм сливались в одно представление о месте особого присутствия Божия. Вся земля познает Господа, и это исправит умы и сердца, сделает всех кроткими и жизнь покойной и радостной. Возможно, это будет потому, что предреченный пророками Мессия будет не земным властителем вселеной, а Предвечным Богом, Спасителем мира. Вера Ему, надежда на Него и любовь к Нему сделают весь мир – новый – Вселенскою Церковью, и верных Ему – блаженными.
Сей Бог наш, и не приложи́тся ин к Нему́. Изобре́те всяк путь худо́жества, и даде́ и Иа́кову, о́троку Своему́, и Изра́илю, возлю́бленному от Него́. Посе́м же на земли́ яви́ся и с челове́ки поживе́. Сия́ кни́га повеле́ний Бо́жиих, и зако́н сый во ве́ки; вси, держа́щиися ея́, в живо́т вни́дут, оста́вившии же ю, у́мрут. Обрати́ся, Иа́кове, и ими́ся ея́. Поиди́ к сия́нию пря́мо све́та ея́. Не даждь ино́му сла́вы твоея́ и поле́зных тебе́ язы́ку чужде́му. Блаже́ни есмы́, Изра́илю, я́ко уго́дная Бо́гу нам разу́мна суть.
Паремия продолжает тему пророчества Михея, подчеркивая величие события, – явление Бога на земле. Некоторые исследователи считают, что слова этого пророчества принадлежат не Варуху, а Иеремии, так как книга Варуха продолжает книгу прор. Иеремии, его учителя и друга.
«Сей Бог наш...» Эти слова написаны в Вавилоне в годы пленения. Они напоминают современникам плененного пророка (а вместе и всем христианам), что главное их сокровище – Бог наш – не пропало, не потеряно. Он дал Своему народу, Им возлюбленному, мудрость, заключенную в законе Моисеевом. Оценить это в годы нестроений, шатаний, бездорожья особенно важно. Но и этим не исчерпывается Его забота о Своих людях. Он Сам придет на землю и будет жить среди людей. Пророк это так ясно себе представляет, будто видит своими глазами. Строка пророчества вошла в церковную песнь: «Царь Небесный за человеколюбие на земли явися и с человеки поживе». Чтобы жить в соответствии с повелениями Господа, надо знать закон, данный Богом, и исполнять его. Для исполняющего закон будет светом во тьме жизни. Кто же не послушает Бога и не будет исполнять повеления Его, того отвергнет Бог. Место отпадших пустовать не будет, Бог найдет Себе верных из числа язычников. Пророку хочется воодушевить своих, и он снова повторяет: мы блаженны уже потому, что нам Господь открыл, что делать, чтобы благоугодить Ему.
Проро́чества Дании́лова чте́ние (глава 2):
Рече́ Дании́л Навуходоно́сору: ты, царю́, ви́дел еси́, и се о́браз еди́н, о́браз о́ный вели́к, и обли́чие его́ окру́гло, стоя́ше пред лице́м твои́м, и виде́ние его́ стра́шно. О́браз, его́же глава́ от зла́та чи́ста; ру́це, и пе́рси, и мы́шцы его́ сре́бряны; чре́во и сте́гны ме́дяны; го́лени желе́зны; но́зе часть у́бо желе́зна, и часть не́кая скуде́льна. Ви́дел еси́, до́ндеже отто́ржеся ка́мень от горы́ без рук и порази́ о́браз, на но́ги желе́зныя и скуде́льныя, и истни́ я́ до конца́. Тогда́ истни́шася во еди́но скуде́ль, желе́зо, медь, сребро́, зла́то, и бы́ша, я́ко прах от гумна́ жа́твеннаго, и взят я́ мно́жество дохнове́ния, и ме́сто не обре́теся им; ка́мень же, порази́вый о́браз, бысть в го́ру ве́лию и испо́лни всю зе́млю. Сие́ есть со́ние, и сказа́ние его́ рече́м пред царе́м: возста́вит Бог Небе́сный Ца́рство, е́же во ве́ки не истле́ет, и Ца́рство Его́ лю́дем ины́м не оста́вится. И истни́т, и изможди́т вся ца́рствия, и то воста́нет во ве́ки. И́мже о́бразом ви́дел еси́, я́ко от горы́ отсече́ся ка́мень без рук и сотры́ скуде́ль, желе́зо, медь, сребро́, зла́то. Бог вели́кий сказа́ царю́, и́мже подоба́ет быти по сих, и и́стинно со́ние и ве́рно сказа́ние Его́.
Возсия́л еси́, Христе́, от Де́вы, разу́мное Со́лнце Пра́вды, / и звезда́ Тя показа́ в верте́пе, вмеща́ющася Невмести́маго. / Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.
Стих 1, псалом 92: Госпо́дь воцари́ся, в ле́поту облече́ся, / облече́ся Госпо́дь в си́лу и препоя́сася, / и́бо утверди́ вселе́нную, я́же не подви́жится. / Гото́в престо́л Твой отто́ле, / от ве́ка Ты еси́.
Таже, паки: Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.
Стих 2: Воздвиго́ша ре́ки, Го́споди, / воздвиго́ша ре́ки гла́сы своя́. / Во́змут ре́ки сотре́ния своя́ / от гласо́в вод мно́гих.
Таже, паки: Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.
Стих 3: Ди́вны высоты́ морски́я, / ди́вен в высо́ких Госпо́дь. / Свиде́ния Твоя́ уве́ришася зело́: / до́му Твоему́ подоба́ет святы́ня, Го́споди, в долготу́ дний.
Сла́ва, конец тропаря. И ны́не, паки конец.
Возсия́л еси́, Христе́, от Де́вы, разу́мное Со́лнце Пра́вды, / и звезда́ Тя показа́ в верте́пе, вмеща́ющася Невмести́маго. / Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.
Конец же тропаря поет чтец сам и посем чтет:
Отроча́ роди́ся нам, Сын, и даде́ся нам, Его́же нача́льство бысть на ра́ме Его; и нарица́ется И́мя Его́: вели́каго сове́та А́нгел, чу́ден Сове́тник, Бог Кре́пок, Власти́тель, Нача́льник ми́ра, Оте́ц бу́дущаго ве́ка, приведе́т бо мир на нача́льники, и здра́вие Его́, и ве́лие нача́льство Его́, и ми́ра Его́ несть преде́ла, на престо́л Дави́дов и на ца́рство Его́, испра́вити е и заступи́ти е судьбо́ю и пра́вдою от ны́не и до ве́ка. Ре́вность Го́спода Савао́фа сотвори́т сия́.
В следующей паремии пророк восхваляет Отроча, рожденного Девой. Он как бы смотрит через даль веков в Вифлеемские ясли и радуется, что Сын Божий стал Сыном Человеческим. Как Бог Он Властитель, Князь мира. Однако, воплотившись, Он берет бремя начальствования не как властелин вселенной, а как искупитель грехов мира. Бремя грехов так тяжело, что поднять его может лишь Бог. Он, участник Великого Совета Св. Троицы, будет Ангелом, то есть посланником, посредником, вестником любви Отчей к роду человеческому. Вся Его жизнь чудесна, и для всех Он может быть советником, в чьих советах не будет запутанности и ошибки. Князем мира Он будет по любви, доказанной крестной жертвой. Особенностью Его любви будет свобода ответить на любовь любовью. Противящиеся Ему встретят в Нем не мстителя, а Судью. Отцом будущего века
Он назван потому, что всем верным даст вечное блаженство с Ним. Власть Его, духовная теперь и всеобщая в будущем, распространится на всех, хотят ли этого народы и каждый человек в отдельности или нет. В Царстве Его будет правда и мир, потому что Бог Отец хочет победы добра и конечного блага всему миру, обезображенному грехом и страданиями.
В праздник Рождества Христова это пророчество читается потому, что Церковь празднует исполнение его. Речь не о разорении врагов Иудейского царства времен Ахаза (они были для Церкви прообразом врагов Христовых на все времена), но о победе Церкви Божией над всем миром, всеми врагами силой Христа, пришедшего в мир спасти всех верных. Если празднование Рождества Христова предваряется пророческим «с нами Бог», то конец Его деятельности на земле завершается обещанием: «се, Аз с вами есмь во вся дни до скончания века».
Приложи́ Госпо́дь глагола́ти ко Аха́зу, глаго́ля: проси́ себе́ зна́мения у Го́спода Бо́га твоего́ во глубину́ или́ в высоту́. И рече́ Аха́з: не и́мам проси́ти, ниже́ искуси́ти Го́спода. И рече́ Иса́иа: услы́шите у́бо, до́ме Дави́дов: еда́ мал вам труд дая́ти челове́ком, и ка́ко Го́споду труд даете́? Сего́ ра́ди даст Госпо́дь Сам вам зна́мение: се Де́ва во чре́ве прии́мет и роди́т Сы́на, и нареку́т и́мя Его́ Емману́ил; ма́сло и мед и́мать сне́сти, пре́жде не́же уве́дети Ему́ или́ изво́лити лука́вое, избере́т благо́е: Зане́ пре́жде, не́же разуме́ти Отроча́ти благо́е или́ зло́е, отри́нет лука́вая, избере́т благо́е. И рече́ Госпо́дь ко мне: приими́ себе́ сви́ток нов, вели́к и напиши́ в нем писа́лом челове́ческим, е́же ско́ро плене́ние сотвори́ коры́стей, настоя́т бо. И свиде́тели мне сотвори́ ве́рны челове́ки, Ури́ю иере́я, и Заха́рию, сы́на Варахи́ина. И приступи́х ко проро́чице, и во чре́ве прия́т и роди́ сы́на. И рече́ мне Госпо́дь: нарцы́ и́мя ему́, ско́ро плени́ и напра́сно испрове́рзи. Зане́ пре́жде, не́же разуме́ти отроча́ти назва́ти отца́ или́ ма́терь, прии́мет си́лу дама́скову и коры́сти самари́йския пря́мо царю́ ассири́йскому. С на́ми Бог, разуме́йте, язы́цы, и покаря́йтеся. Услы́шите да́же до после́дних земли́, могу́щии, покаря́йтеся, а́ще бо па́ки возмо́жете и па́ки побежде́ни бу́дете. И и́же а́ще сове́т совещава́ете, разори́т Госпо́дь, и Сло́во, е́же а́ще возглаго́лете, не пребу́дет в вас, я́ко с на́ми Бог.
Последняя паремия включает пророчество Исаии об Еммануиле. Начинается оно с предложения через пророка Ахазу царю знамения от Бога. Для чего? Чтобы уверить нечестивого царя в том, что Господь не оставил детей Своих. Он сумеет защитить их. Это было сказано в период серьезной военной опасности. Ахаз сказал, что не будет ничего из заповеданного нарушать («Да не искусиши Господа Бога твоего» – Втор. VI, 16). Божественная помощь в его глазах была чем-то нереальным, он не верил в это и не надеялся на нее. Ему казалось более надежным договориться с царем Ассирии, которому он собирался послать посла с дарами (4 Цар. XVI, 7). На это пророк сказал, что ему лишь усложняют жизнь, мешая Господу помогать и хранить их. Они – это не один Ахаз, но весь род Давидов. Все они разделяли неверие своего царя. И несмотря на это, пророк подчеркивал, что если они не думают о Боге, то Бог думает о них. Знамение Его милости явлено будет дому Давидову, и станет из этого явления ясно, что враждебные замыслы сирийского и израильского царей не увенчаются успехом. Знамением этого будет рождение от Девы Еммануила. В переводе это значит – «с нами Бог!» Бог будет с народом Своим, Бог будет потомком Давида, Бог будет сыном Девы. Его явление в мир ознаменуется чудом. Собственное имя Избавителя Иисус. Еммануил – имя нарицательное и имеет многие другие значения (например, «Великого совета Ангел» или «Отец будущего века» и др.). Чем могло обрадовать такое знамение, которое исполнится через 700 лет, людей, боящихся войны и поражения в ней от союзных войск в ближайшее время? Тем, что само пришествие в мир Бога во плоти утешительно, но еще более
тем, что родится Он (когда бы это ни произошло!) среди рода Давидова. Значит – а это уже каждый поймет – род этот не уничтожат никакие войны. Что Он родится от Девы, то это и должно быть, ведь явление Бога в мир должно быть чудесным, сверхъестественным. Говоря о Еммануиле, пророк подчеркивал, что Он будет и Богом истинным, и человеком как все. Во младенческом возрасте Ему понадобится пища, как всем младенцам, пока они не подрастут настолько, что сумеют отличить добро от зла. Пророк называет из всех нужных продуктов масло и мед, как наиболее питательное и ценное в младенческом возрасте. Характерной чертой Богомладенца будет даже бессознательное отвращение от всякого лукавства и стремление ко благу.
Возвращаясь снова к тревожному ожиданию нападения со стороны объединившихся для этого Израильского и Сирийского царств, пророк Исаия передает повеление Господне написать свиток, то есть взять новый и большой лист пергамента (такие листы потом свертывались в свиток) и написать: «Магер-шелал-хаш-баз» (т. е. «спешит грабеж, ускоряет добыча»). Понять это следовало так: царства, грозящие Иудее, будут разграблены и станут добычей Ассирии. Пророк взял как свидетелей двух человек: священника Урию и левита Захарию. Они пользовались авторитетом у всех. Слово, написанное на свитке, стало именем сына пророка, родившегося в это время. Грозное пророчество должно было исполниться еще до того времени, когда его сын научится говорить «мама». Об исполнении пророчества повествует 4 книга Царств (XVI, 7 – 9) и 2 книга Паралипоменон (XXVIII, 16).
«С нами Бог». Эти слова звучат как гимн, который особенно близок тем, кто надеется на помощь Божию. Это надо помнить и тем, кто восстает на верных Богу, и тем, кто ищет этой верности, которая не в словах, а в силе веры.
Посем ектениа малая и по возгласе Трисвятое.
Госпо́дь рече́ ко Мне: Сын Мой еси́ Ты, / Аз днесь роди́х Тя.
Стих: Проси́ от Мене́, и дам Ти язы́ки, достоя́ние Твое́ и одержа́ние Твое́ концы́ земли́.
Многоча́стне и многообра́зне дре́вле Бог, глаго́лавый отце́м во проро́цех. В после́док дний сих глаго́ла нам в Сы́не, Его́же положи́ насле́дника всем, И́мже и ве́ки сотвори́. И́же Сый сия́ние сла́вы и о́браз Ипоста́си Его́, нося́ же вся́ческая глаго́лом си́лы Своея́, Собо́ю очище́ние сотвори́в грехо́в на́ших, се́де одесну́ю Престо́ла вели́чествия на высо́ких. Толи́ко лу́чший быв А́нгел, ели́ко пресла́внее па́че их насле́дствова и́мя. Кому́ бо рече́ когда́ от А́нгел: Сын Мой еси́ Ты, Аз днесь роди́х Тя; и па́ки: Аз бу́ду Ему́ во Отца́, и Той бу́дет Мне в Сы́на. Егда́ же па́ки вво́дит Перворо́днаго во вселе́нную, глаго́лет: и да покло́нятся Ему́ вси А́нгели Бо́жии. И ко А́нгелом у́бо глаго́лет: творя́й А́нгелы Своя́ ду́хи и слуги́ Своя́ огнь паля́щ. К Сы́ну же: престо́л Твой, Бо́же, в век ве́ка, жезл пра́вости, жезл Ца́рствия Твоего́. Возлюби́л еси́ пра́вду и возненави́дел еси́ беззако́ние, сего́ ра́ди пома́за Тя, Бо́же, Бог Твой еле́ем ра́дости па́че прича́стник Твои́х. И па́ки: в нача́ле Ты, Го́споди, зе́млю основа́л еси́, и дела́ руку́ Твое́ю суть небеса́. Та́ поги́бнут, Ты же пребыва́еши, и вся, я́коже ри́за, обетша́ют, и, я́ко оде́жду, свие́ши их, и изменя́тся; Ты же то́йжде еси́, и ле́та Твоя́ не оскуде́ют.
Рече́ Госпо́дь Го́сподеви моему́: седи́ одесну́ю Мене́, / до́ндеже положу́ враги́ Твоя́ подно́жие ног Твои́х.
Стих: Жезл си́лы по́слет Ти Госпо́дь от Сио́на, и госпо́дьствуй посреде́ враго́в Твои́х.
Стих: Из чре́ва пре́жде денни́цы роди́х Тя, кля́тся Госпо́дь и не раска́ется.
Во днех о́нех изы́де повеле́ние от ке́саря А́вгуста написа́ти всю вселе́нную. Сие́ написа́ние пе́рвое бысть, владя́щу Сири́ею Кирини́ю. И идя́ху вси написа́тися, ко́ждо во свой град. Взы́де же и Ио́сиф от Галиле́и из гра́да Назаре́та во Иуде́ю, во град Дави́дов, и́же нарица́ется Вифлее́м, зане́ бы́ти ему́ от до́му и оте́чества Дави́дова, написа́тися с Мари́ею, обруче́нною ему́ Жено́ю, су́щею непра́здною. Бысть же, егда́ бы́ша та́мо, испо́лнишася дни́е роди́ти Ей. И роди́ Сы́на Своего́ пе́рвенца, и пови́т Его́, и положи́ Его́ в я́слех, зане́ не бе им ме́ста во оби́тели. И па́стырие бе́ху в то́йже стране́, бдя́ще, и стрегу́ще стра́жу нощну́ю о ста́де свое́м. И се А́нгел Госпо́день ста в них, и сла́ва Госпо́дня осия́ их, и убоя́шася стра́хом ве́лиим. И рече́ им А́нгел: не бо́йтеся, се бо благовеству́ю вам ра́дость ве́лию, я́же бу́дет всем лю́дем, я́ко роди́ся вам днесь Спас, и́же есть Христо́с Госпо́дь, во гра́де Дави́дове. И се вам зна́мение: обря́щете Младе́нца пови́та, лежа́ща в я́слех. И внеза́пу бысть со А́нгелом мно́жество вой Небе́сных, хва́лящих Бо́га и глаго́лющих: сла́ва в Вы́шних Бо́гу, и на земли́ мир, в челове́цех благоволе́ние. И бысть, я́ко отыдо́ша от них на Не́бо А́нгели, и челове́цы па́стырие ре́ша друг ко дру́гу: пре́йдем до Вифлее́ма и ви́дим глаго́л сей бы́вший, его́же Госпо́дь сказа́ нам. И приидо́ша, поспе́шшеся, и обрето́ша Мариа́м же и Ио́сифа и Младе́нца, лежа́ща во я́слех. Ви́девше же, сказа́ша о глаго́ле, глаго́ланном им о Отроча́ти Сем. И вси слы́шавшии диви́шася о глаго́ланных от па́стырей к ним. Мариа́м же соблюда́ше вся глаго́лы сия́, слага́ющи в се́рдцы Свое́м. И возврати́шася па́стырие, сла́вяще и хва́ляще Бо́га о всех я́же слы́шаша и ви́деша, я́коже глаго́лано бысть к ним.
(Дне же ряд: прокимен, апостол и Евангелие в навечерии Рождества Христова и Богоявления не чтется).
И по ряду Божественная Литургия Великаго Василия.
Вместо Досто́йно:
Поем: О Тебе радуется, Благодатная, всякая тварь, / Ангельский Собор и человеческий род, / освященный Храме, и Раю словесный, / девственная Похвало, из Неяже Бог воплотися, / и Младенец бысть, прежде век Сый Бог наш: / ложесна бо Твоя престол сотвори / и чрево Твое пространнее Небес содела. / О Тебе радуется, Благодатная, всякая тварь, / слава Тебе.
Причастен един: Хвали́те Го́спода с Небе́с, хвали́те Его́ в Вы́шних.
После отпуста Литургии параекклисиарх зажигает выносную свечу и ставит посреди церкви, а клир и оба лика вместе поют возгласно тропарь праздника, глас 4: Рождество́ Твое́, Христе́ Бо́же наш: Сла́ва, и ны́не: кондак, глас 3: Де́ва днесь Пресу́щественнаго ражда́ет: По окончании же кондака, многолетие.
«И вхо́дим в трапе́зу, и яди́м варе́ние со еле́ем, ры́бы же не яди́м. Вино́ же пие́м, благодаря́ще Бо́га» (Типикон, 25 декабря)13.
В Рождественский сочельник церковные правила предписывают наиболее строгое пощение (до трапезы после вечерни), напоминая древний обычай оглашенных, готовящихся к принятию Таинства Крещения. В Русской Церкви издавна существует благочестивый обычай поститься до позднего вечера – до появления первой звезды.
Ведати подобает, яко праздник Рождества Христова в кий день ни случится, поется повечерие великое.
PAGE - 37 -