Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
Бала тәрбиесіндегі қымбатты бір минут
Күнделікті жағдайда әке-шеше тәрбиесі мәңгілік таусылмайтын тақырыптардың бірі. Кейбір ата-аналар тұрмыстың қарбаластығы себебінен баланы тәрбиелеуге немқұрайлы қарап қалатын жағдайлары болады. Ата-ана әр күні он минут уақытын шығарып балаларымен бірге болса болғаны өз ұрпағын жақсы тәрбиелеп кете алады. Бүгін біз осы он минут уақыт үстінде тоқтала кетуді жөн көрдік.
Баланы бір минут жоғары көтеру
Әр күні балаңызды бір минут биік көтеріңіз. Сонда балаңыз өзінің бұл үйдегі, өмірдегі орнының қаншама жоғары екенін түсінеді. Балаңыздың басын сипап, иығын барша мейіріңізбен иіскеп, қолдарын қысып ұстап қойыңыз. Бұл арқылы балаңызға ата-ана мейірін жеткізе аласыз.
Бір минут балаңыздың сөзіне құлақ асыңыз
Әр күні бір минут уақыт шығарып балаңыздың сізге қандай жүрек жарды сөздер айтатынына назар салыңыз. Балаңыздың ішкі дүниесіне кіріңіз, осылай істегенде сіз балаңыздың көңіліндегі әңгімені түсініп жетесіз.
Балаңызды бір минуттан артық ұрыспаңыз
Балаңыз кемшілік өткізсе оны бір минуттан артық ұрысудың қажеті жоқ. Балаға сөгіс айтқанда сөйлеген сөзіңіз дұрыс, орнықты болсын. Ұрысудың жөні осы екен деп көп ортасында, көшеде айғайлай бермеңіз. Бұл балаға берген тәрбие емес, қайта баланы кемсіту болып саналады. Балаға сөйлегенде әдепті сөздер айтқан жөн, себебі балаңыз сөзді сізден үйренеді.
Баланы бір минут мадақтаңыз
Әр баланың өзіне тиеселі артықшылығы болады. Бұл артықшылық бала үшін жеңіске жеткенмен бірдей. Оның осы қасиеттерін тани біліп, мадақ айтыңыз. Ол осыдан жігерленеді. Шабыт алады.
Бір минут балаға әңгіме айтыңыз
Аз ғана уақыт бөліп өз басыңыздан өткен жайларды балаңызға айтып беріңіз. Осы арқылы баланың ойы жетіледі, оның өмірге, болашаққа деген көзқарасы қалыптасады және дұрыс көзқарас ұстанады. Сіз оған жабық болсаңыз, ол сізді түсінбесе, ол да сізге жабық болуы, сіз де оны түсінбеуіңіз мүмкін.
Тест: "Сіз өтірік айтасыз ба?"
Көпшілік адамдар жақсы қарым-қатынастың тек шындықтың нәтижесінде ғана орнайтындығын айтады. Алайда күнделікті тұрмыста жақын адамдарымызға да өтірік айтып жататын тұстарымыз болады. Біреуден өзіңізге ұнамаған сыйлық алып қалсаңыз немесе сабақтан нашар баға алып келсеңіз шындықты айтасыз ба?
Кейбір адамдардың қанына өтірік айту қабілеті сіңіп кететін. Қанына сіңген қасиеттің арқасында шынайы қарым-қатынастың не екендігін түсінбей өтеді. Осы тесттің көмегімен өзіңіздің өтірік айта білу қасиетіңіздің қандай дәрежеде екендігін анықтап көріңіз:
1. Сізге ұялтатындай сұрақ қойды. Бірінші кезекте не істейсіз?
А) өтірік айтамын
Ә) жауап беруден бас тартамын
Б) барлығын қалжыңға айналдырамын
В) тақырыпты ауыстырып жіберемін
Г) шынайы жауап қайтарамын
2. Сабаққа ұйқыңызды қимағандықтан кешігіп бардыңыз. Ұстаз алдында қалай ақталасыз?
А) оятқының даусын естімегендігімді айтамын
Ә) көлің кептелісіне тап болғандығымды айтамын
Б) жәй ғана кешіккендігімді айтамын
В) отбасыма немесе кіші іні-қарындастарыма байланысты жағдайлар ойлап табамын
Г) өтіріктің барлығын сол мезетте ұйымдастырамын
3. Осы тестке жауап беріп отырған кезде қолдарыңыз қандай қимыл-қозғалыс жасап жатыр?
А) уақыт өткен сайын қолдарым ерніме, бетіме тиюде
Ә) мұрнымның үстіңгі бөлігіне тиіп жатыр
Б) әйтеуір қозғалып жатыр
В) бір-бірінің үстінде
Г) бір нәрсені шұқылап жатыр
4. Өтірік туралы айтар болсаңыз...
А) онсыз өмірді елестету мүмкін емес
Ә) көп жағдайда пайдасы тиеді
Б) өзіңді құтқару үшін өтірік айтуға болады
В) ерте ме, кеш пе өтіріктің беті ашылады
Г) шындық пен өтірікті пайдаланатын жерлерді білсек болғаны
5. Сіздің өтірік айтып тұрғаныңызды біреу біліп қойса...
А) бұның өтірік екендігін айтып, тағы быраз жалтарамын
Ә) не себепті өтірік айтқанымды түсіндіремін
Б) күлемін
В) менде не шаруасы бар екендігін айтып, ашуланамын
Г) ұрысамын
6. Ешкімге, ештеңкеге қарамастан шындықты айтатын адамдар дегеніміз кімдер?
А) ұялатындай әрекеттер жасамаған адамдар
Ә) өзгелердің көңіліне қарамайтындықтан, үнемі шындықты ғана айтатын жандар
Б) батыл адамдар
В) өзіне сенетін жандар
Г) адал адамдар
Жауабы:
|
Сұрақтың реті |
А |
Ә |
Б |
В |
Г |
|
1 |
13 |
5 |
4 |
2 |
1 |
|
2 |
25 |
3 |
1 |
4 |
2 |
|
3 |
31 |
2 |
4 |
5 |
3 |
|
4 |
42 |
3 |
5 |
1 |
3 |
|
5 |
71 |
5 |
3 |
4 |
2 |
|
6 |
5 |
2 |
3 |
4 |
1 |
30-ға дейін
Шындық пен өтіріктің арасында адасып жүрген жоқсыз ба? Өтірік айту қаныңызға сіңген қасиетке айналып барады. Және зиянды өтіріктер емес, өзгелерге кесірі тиетін өтіріктерді де айтып жүрсіз. Барлығын есептеп, алдын ала ойластырасыз. Сізге тежелетін уақыт келген сияқты ...
31-ден 48-ге дейін
Өсек-аяңға жақын адам секілдісіз. Әрине, өзгенің сырын сақтау қиын, алайда ойыңыздан шығарылған дүниелерді қосып айтуыдың қандай қажеті бар? Тыңдармандарға қызықты болу үшін бе? Өзгелердің мінін айтып, олардан дәрежеңіздің жоғары екендігін көрсету үшін бе? Бұл мінезден арлығаныңыз жөн.
49-дан 60-қа дейін
Сіз көбінесе қиын жағдайға тап болған кезде өтірік айтасыз. Сол сәтте басыңызға түскен жауапкершіліктен жалтарғыңыз келеді. Сізге батылдық қажет.
61-ден 85-ке дейін
Бір қызығы сіз көңіл-көтеру үшін ғана өтірік айтасыз. Және өтіріктеріңіздің айналаңыздағыларға ешқандай да зияны жоқ. Бірақ, шындықты айтпайтындығыңыздың арқасында жақын адамдарыңыздан айырылып қалуыңыз мүмкін.
85-тен 100-ге дейін
Өтірік айтсаңыз да өзіңізді ақтап алуға дайын тұрасыз. Өтірік айта отырып өзгелерді ренжіткенді жақсы көресіз. Бұның себебін анықтап көріңіз. Мүмкін өзіңіз бен өміріңізге көңіліңіз толмайтын шығар.