У вас вопросы?
У нас ответы:) SamZan.net

прыметнікі марфалагічны агульныя марфалагічныя адзінкі і сінтаксічны агульныя сінтаксічныя ўласцівасц

Работа добавлена на сайт samzan.net: 2016-06-20

Поможем написать учебную работу

Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.

Предоплата всего

от 25%

Подписываем

договор

Выберите тип работы:

Скидка 25% при заказе до 5.4.2025

41 пытанне:

Часціны мовы – самыя буйныя класы слоў, якія вылучаюцца на аснове семантычных і граматычных уласцівасцей. Вылучаюць тры крытэрыі класіфікацыі часцін мовы: семантычны (аднясенне да адной часціны мовы слоў з найбольш агульным граматычным значэннем: прыгожы, белы, злосны - прыметнікі), марфалагічны (агульныя марфалагічныя адзінкі) і сінтаксічны (агульныя сінтаксічныя ўласцівасці: дзейнік, выказнік).

У розных мовах свету не супадае колькасць часцін мовы, іх класіфікацыя. У беларускай мове яны дзеляцца паводле паўназначнасці і непаўназначнасці. Трывалай мяжы між часцінамі мовы няма і яны могуць перахлдзіць з адной у іншую, такая з’ява называецца канверсіяй.

42 пытанне:

Афіксацыя – асноўны спосаб перадачы граматычных значэнняў пры дапамозе афіксаў. Па ступені злітнасці асновы з афіксамі адрозніваюць фузійныя (афіксы мнагазначныя, асновы без афіксаў - рэдкаўжывальныя) мовы і аглютынатыўныя (аснова нязменная і афіксы стандартныя).

Флексія – чаргаванне ўнутры слова для перадачы граматычнага значэння: назваць  - называць. Пазіцыйныя чаргаванні не адносяцца да змены граматычнага значэння: аглушэнне і г.д.

43 пытанне:

Па ступені злітнасці асновы з афіксамі адрозніваюць фузійныя (афіксы мнагазначныя, асновы без афіксаў - рэдкаўжывальныя) мовы і аглютынатыўныя (аснова нязменная і афіксы стандартныя). Фузійныя: індаеўрапейскія мовы, семіта-хаміцкія. Аглютынатыўныя: цюркскія мовы, мовы Афрыкі і Акіяніі.

44 пытанне:

Націск як сродак выражэння граматычнага значэння характэрны для моваў са свабодным націскам. Беларуская мова: рУкі – рукІ.

Суплетывізм – формы аднаго слова не аднакаранёвыя: многа – больш.

Рэдуплікацыя (паўтарэнне) поўнае (поўная) або частковае (няпоўная) паўтарэнне кораня або асновы. Поўная часцей у азіацкіх мовах:  orang – чалавек, orang-orang – людзі (на пісьме orang²). Няпоўная ў індаеўрапейскіх, цюркскіх: кулак – кулак-мулак.

45 пытанне:

Парадак слоў сустракаецца ў слабаразвітых сістэмах словазмянення, напрыклад у англійскай, дзе замацаваны парадак слоў у сказе. Ён адрознівае: дзейнік і дапаўненне, азначэнне і выказнік, канкрэтнае і прыблізнае значэнне колькасці, тыпы сказа.

Інтанацыя выкарыстоўваецца ў сказе і адрознівае: пытальны ад клічнага, мадальныя значэнні, сувязь членаў сказа, лагічны націск.

Службовыя словы – гэта прыназоўнікі, злучнікі, часціцы, артыклі і г.д. Яны не выконваюць намінацыйнай функцыі, а служаць для выражэння адносін між самастойнымі словамі.

46 пытанне:

Аналітычныя мовы вызначаюцца пераважным ужываннем аналітычных спосабаў выражэння граматычнага значэння: службовыя словы, месца слова ў сказе, інтанацыя. Да іх адносяцца англійская, французская, балгарская і г.д.

Сінтэтычныя мовы вызначаюцца пераважным ужываннем сінтэтычных спосабаў выражэння граматычнага значэння: афіксацыя, унутраная флексія, націск, суплетывізм і г.д. Да іх адносяцца беларуская, украінская і г.д. мовы.

47 пытанне:

У мове і маўленні існуюць такія адзінкі сінтаксісу як сказ і выказванне.

Сказ – асноўная моўная адзінка сінтаксісу, якая замацавана і аформлена граматычна і сэнсава. У адрозненні ад слова і словазлучэння сказ камунікацыйны, самастойны, структурна цэласны. Таксама яго найважнейшыя асаблівасці – гэта прэдыкатыўнасць (сінтаксічная катэгорыя, якая перадае зносіны зместу сказа і пазамоўнай рэчаіснасці: “Дождж!”) і мадальнасць (сінтаксічная катэгорыя, якая перадае стаўленне гаворачага да выказвання: у прошлым, будучым).

Выказванне – выражэнне сказа ў маўленні, не замацаванае. Здольнасць выказвання апісваць час ці месца называецца парадыгмай. Валентнасць – здольнасць змяшчаць актанты: “хто” + “дзе” + “калі”.

48 пытанне:

Выказнік абазначае не толькі дзеянне і стан прадмета, але і яго прымету. Выказнік можа быць іменны і дзеяслоўны, просты і састаўны. Прэдыкатыўнасць - сінтаксічная катэгорыя, якая перадае зносіны зместу сказа і пазамоўнай рэчаіснасці: “Дождж!”.

Сінтаксічная мадэль сказа: S(суб’ект) + V(дзеянне) + O(аб’ект) + Loc(месца).

49 пытанне:

Складаны сказ адрозніваецца ад простага структурай: у ім дзве і больш граматычных асноў. Кожная з яго частак нагадвае просты сказ таго  ці іншага тыпу, звязваюцца яны між сабой злучальнай, падпарадкавальнай і бяззлучнікавай сувяззю.

Складаназлучаны сказ: [], i [].

Складаназалежны сказ: [], што ().

50 пытанне:

Словазлучэнне – гэта сінтаксічная канструкцыя, якая складаецца не менш як з двух самастойных слоў, аб’яднаных сэнсава і граматычна. Яно не існуе па-за сказам, не з’яўляецца для яго будаўнічым матэрыялам. Яно перадае адносіны між паняццямі, гэта ж яго асноўная функцыя.

1. Прэдыкатыўныя словазлучэнні – гэта дзейнік + выказнік. Сярод непрэдыкатыўных вылучаюць злучальныя (ішоў і спяваў) і падпарадкавальныя (будаваць дом) словазлучэнні.

2. Таксама вылучаюць свабодныя (два прытанні) і несвабодныя (адно пытанне) словазлучэнні.

3. Простыя (2 словы) і складаныя (2+ словы) словазлучэнні.

4. У залежнасці ад марфалагічнай прыналежнасці галоўнага слова падзяляюцца на іменныя, дзеяслоўныя, адвербіяльныя.

51 пытанне:

Семантычная структура сказа

Прэдыкатаў (лац. praedicatum - сказанае) у лінгвістыцы - выказнік меркавання, тое, што выказваецца (сцвярджаецца або адмаўляецца) пра суб'ект. У меркаваньні «Белая котка скокнула на стол» суб'ектам з'яўляецца «белая котка», а прэдыкат - «скокнула на стол».

Сірканстант - залежнае ад прэдыкатнага слова, якоезапаўняе яго актыўную сінтаксічную валентнасць, але не адпаведнае ніякай яго семантычнай валентнасці. Сірканстанты абазначаюць разнастайныя абставіны, якія вызначаюцца галоўным словам сітуацыі.

52 пытанне:

Камунікатыўны аспект вывучае сэнсавую структуру сказа і звязан з актуальным падзелам (сэнсавы падзел на тэму і рэму) сказа. Тэма – вядомая частка выказвання, тое, што дадзена. Рэма – тое, што паведамляецца новае.

Асноўнымі сродкамі падзелу выказвання з’яўляюцца лагічны націск і парадак слоў.

53 пытанне:

Тыпалагічная класіфікацыя моў – класіфікацыя, якая выяўляе агульныя і адметныя рысы моў незалежна ад іх роднасці, геаграфічнага размяшчэння і г.д. Марфалагічная класіфікацыя, фанематычная класіфікацыя, сінтаксічная класіфікацыя, функцыйная тыпалогія і г.д.

54 пытанне:

Параўнальна-гістарычны метад – устанаўленне паходжання і развіцця роднасных моў. Генеалагічная класіфікацыя моў – групаванне моў свету на аснове роднасных сувязей. Роднасныя мовы ўзніклі шляхом распаду першамовы. Тры спосабы вылучэння роднасці моў: супастаўленне слоў старажытнага паходжання, параўнанне граматычных змен, параўнанне гукавых змен. Асноўныя моўныя сем’і: індаеўрапейская,семіта-хаміцкая, іберыйска-каўказская, фіна-ўгорская, цюркская, мангольская, тунгуса-маньчжурская, кітайска-тыбецкая, тайская, малайска-палінезійская, аўстраазіяцкая, аўстралійская, дравідская, Далёкага Усходу.

55 пытанне:

Індаеўрапейская сям’я: больш як 2 млрд. носьбітаў, звыш 150 моў, 12 груп: славянская, балтыйская, раманская, германская, кельцкая, індыйская, іранская, тахарская, хецка-лувійская, армянская, албанская, грэчаская.

Славянскія мовы: тры падгрупы: усходняя: беларуская, руская, украінская; заходняя: польская, чэшская, кашубская, палабская, лужыцкая, славацкая; паўднёвая: балгарская, македонская, сербская, харвацкая, славенская.

56 пытанне:

Пытанне паходжання і ўзнікнення мовы разглядаецца вучонымі і да гэтага часу.

Існуе шмат міфаў і легендаў пра ўзнікненне чалавечай мовы, таксама і шмат тэорый, але ні адна з іх не можа быць сапраўднай на сто працэнтаў. Асноўныя: гукапераймальная тэорыя (перайманні гукаў прыроды), выклічнікавая, гукасімвалічная, сацыяльнай дамоўленасці, працоўных выкрыкаў, жэстаў і г.д.

57 пытанне:

Мова роду мова племенімова народнасцімова нацыі. Нацыянальная мова падзяляецца на літаратурную і нелітаратурную мову.

Шляхі ўтварэння нацыянальных моў: узвышэнне з гаворкі (французская), змяшэнне нацый (англійская), канцэнтрацыя дыялектаў.

58 пытанне:

Мова – грамадская з’ява, галоўная яе функцыя камунікатыўная. Грамадства карыстаецца мовай і можа змяняць яе, але маўленне і лексічны склад у кожнага чалавека розны і залежыць гэта ад шматлікіх фактараў.

Чалавек можа свядома паўплываць на мову і нават прыдумаць сваю.

59 пытанне:

Літаратурная мова – унармаваная, апрацаваная частка нацыянальнай мовы, на якой выдаюцца розныя дакументы, пастановы і г.д.

Тэрытарыяльны дыялект – гэта дыялект , які мае распаўсюджанне на пэўнай тэрыторыі. Сацыяльны дыялект – дыялект, якім карыстаецца малая або вялікая сацыяльная група: прафесіяналізмы, жаргон, слэнг і г.д.

60 пытанне:

Мёртвыя мовы – выйшлі з ужытку і засведчаны толькі пісьмовымі помнікамі: старажытнагрэчаская, палабская і г.д.

Штучныя мовы -  гэта знакавыя сыстэмы, якія ствараюцца для тых сфер, у якіх выкарыстаньне натуральных моваў менш эфэктыўнае ці папросту немагчымае. Па спэцыялізацыі і прызначэньні выдзяляюць спэцыялізаваныя і неспэцыялізаваныя (міжнародныя) штучныя мовы. Эсперанта (Заменгорф), валапюк, іда.




1.  It hs never stopped nd it never will
2. на тему- История развития средств вычислительной техники Цели- Образовательная- закрепить и расширить
3. Профилактика заболеваний органов дыхани
4. Анализ ассортимента, оценка качества хлебобулочных изделий, влияние упаковки и режима хранения на качество
5. Реферат- Праця та її роль у розвитку людини і суспільства
6. Статья 261 Обстоятельства подлежащие выяснению по делу об административном правонарушении По делу об адми
7. Сеть номер два
8. социалистического права
9. Пояснительная записка Данный терминологический словарь способен существенно помочь студенту в различных.html
10. The pupils re writing dicttion.html