Если у вас возникли сложности с курсовой, контрольной, дипломной, рефератом, отчетом по практике, научно-исследовательской и любой другой работой - мы готовы помочь.
Предоплата всего
Подписываем
Преполовение Пятдесятницы.
На Господи воззвах: поем стихиры праздника на 6, повторяюще я, глас 4.
Наста Преполовение дней от Спасительнаго начинаемых Возстания, Пятдесятницею же Божественною печатаемое, и светится, светлости обоюду имущее и соединяющее обоя, и приити славе предъявляющее, Владычняго Вознесения предпочитает.
Слыша и возвеселися Сион, благовестившуся Христову Воскресению, вернии же его сынове возрадовашася, сего видевше, омывающа духом скверну христоубийства, готовится, торжествующе, обоих веселое Преполовение.
Приближися Божественнаго изобильное излитие на всех якоже написася, Духа: Предъузаконение проповедует преполовившееся, по Христове смерти, и погребении, и Воскресении, от Него данну сущу учеником неложному обещанию Утешителево показующу явление.
Слава, и ныне, глас 6:
Празднику преполовляющуся Твоего, Христе, Воскресения, и Божественнаго Пришествия Святаго Твоего Духа, сшедшеся чудес Твоих воспеваем таинства, воньже низпосли нам велию милость.
Вход. Свете Тихий: Прокимен дне и чтения три.
На стиховне стихиры праздника самогласны, глас 1-й:
Иоанна монаха.
Пятдесятницы наста дней Преполовение, в немже Христос, обнажив маловидно Божественную силу, разслабленнаго стягну словом, того от одра возставив, и Боголепно чудотворяй в зданном теле, человеку дарова вечный живот и велию милость.
Стих: Помяни сонм Твой, егоже стяжал еси исперва.
Во святилище пришел еси, Премудросте Божия, преполовляющуся празднику, уча и обличая непокоривыя иудеи, и фарисеи, и книжники, и вопия со дерзновением к ним: жаждай да грядет ко мне и пиет воду животную и не вжаждет вовек: веруяй моей благости, реки потекут из чрева его жизни вечныя. О, благости и благоутробия Твоего, Христе Боже наш, слава Тебе.
Глас 2-й.
Стих: Бог же Царь наш прежде века, содела спасение посреде земли.
Егда Преполовение праздника наста, взыде Иисус во святилище, и учаше непокоривыя иудеи, глаголя: жаждай да грядет ко Мне и пиет воду животную, вечную, и не вжаждется вовек: веруяй в Мя, реки потекут из чрева его и имети будет Свет Животный.
Слава, и ныне, глас 8:
Преполовившуся празднику, учащу Ти, Спасе, глаголаху иудее: како Сей весть писмена, не учився, не разумеюще, яко Ты еси Премудрость, Устроившая мiр, слава Тебе.
По Ныне отпущаеши: и по Отче наш:
Слава, и ныне, тропарь празднику, глас 8-й:
Преполовившуся празднику, жаждущую душу мою благочестия напой водами, яко всем, Спасе, возопил еси, жаждай да грядет ко Мне и да пиет: Источниче жизни нашея, Христе Боже, слава Тебе.